Proverbs 21:31 - Holy Bible Nigerian Pidgin English

³¹ Pesin fit ready en horse sey e dey go fight war, but na only God go gi-am viktory.

Proverbs 21:31 ပူးပေါင်းရင်းမြစ်များ

2 Samuel 23:12

but Shammah nor run and e fight and kill all of dem. God give dem viktory dat day.

Psalms 144:10

Bikos Yu don give yor kings viktory kon save yor savant David from en enemies swod.

Psalms 147:10

E nor kare about di pawa wey horse get or di one wey human being get.

Psalms 20:7

Some nashon dey make mout and trust dia shariot and sojas, but na awa Oga God name wi take dey boast.

Psalms 20:8

Doz nashon go fall skata for groun, but wi go raiz kon stand gidigba for groun.

Psalms 3:3

But Yu, my God, na Yu bi di wall wey dey protet mi; na Yu bi my glory and di pesin wey make mi dey alive.

Psalms 3:8

Viktory dey kom from God. So, I dey beg Yu, God sey, make Yu bless yor pipol.

Psalms 68:20

Awa Oga na God wey dey diliver; di God wey get pawa and wey fit save us from deat.

Ekklesiastes 9:11

I don still notis anoda tin for dis world sey; nor bi who run pass dey always win di race and nor bi di sojas wey strong pass, dey always win di war. Wise pipol dey hongry sometaims and just as pipol wey dey work hard nor dey always get money, na so too pipol wey know book nor dey always get betta life. All dis tins dey happen by shance, as long as yu dey di rite place for di rite time.

Isaya 31:1

Pipol wey dey go Egypt for help, curse dey dia head! Dem dey put dia hope for di plenty sojas, ordinary horse and shariot wey Egypt get. But dem nor trust Israel God or kom meet am make E help dem!

Jeremaya 3:23

True-true, hills and mountins nor fit help us. But na only Yu wey bi awa Oga God, go fit help wi, yor pipol.

1 Korintians 15:57

So, make wi tank God wey give us viktory thru awa Oga God Jesus Christ.