Proverbs 21:1 - Holy Bible Nigerian Pidgin English

¹ Evry king heart dey God hand; just as E dey show river how e go take flow, na so too E dey kontrol kings mind.

Proverbs 21:1 ပူးပေါင်းရင်းမြစ်များ

2 Kings 19:33

Assyria king go-go back as e take kom. E nor go enter dis town at-all. Mi, wey bi God, don tok.

Ezra 1:1

For di first year wey King Cyrus for Persia dey rule, God make wetin E tok thru Profet Jeremaya happen. E make King Cyrus rite, send and read dis kommand for evriwhere for en kingdom, so dat evribody go hear:

Ezra 1:2

Dis na wetin King Cyrus for Persia tok, Di Oga God for heaven don make mi rule di whole world and E sey make I build temple for am for Jerusalem wey dey Judah.

Ezra 6:22

Dem happy well-well as dem dey celebrate di Bread wey nor get Yist Feast, for seven days. Belle sweet dem well-well, bikos God shange Assyria king karata and e kon support dem as dem dey ribuild Israel God Temple.

Nehemaya 1:11

Make Yu listin to di prayers wey mi and yor savants wey dey honor Yu, dey pray. Make Yu help mi today, so dat di king go sorry for mi.” For dat time, na mi dey serve di king wine.

Nehemaya 2:4

Den di king ask, “Na wetin yu wont naw?” So I kwik-kwik pray to God wey dey heaven,

Nehemaya 2:8

I still ask di king make e give mi leta wey I go give Asaf wey dey guide di royal forest, so dat e go give mi big-big woods make I take build di guide gate for di temple, di town wall and di house wey I go stay. So di king give mi all wetin I wont, bikos God dey with mi.

Estha 2:17

Di king like am pass any of di oda girls and Estha kon win di king heart. E put di royal crown for Estha head kon make am kween take replace Vashti.

Psalms 105:25

Den God turn Egypt pipol against Israel pipol and dem kon plan against God pipol.

Psalms 106:46

So dia enemies wey bi dia oga, God kon make dem trit Israel pipol well.

Psalms 114:3

Di Red Sea si dem dey kom, kon run and Jordan River turn en face.

Psalms 114:5

Red sea! Na wetin make yu dey run? Jordan River na wetin make yu turn yor face?

Psalms 74:15

Just as Yu get pawa to make wota and sea flow, na so too, Yu fit dry river wey nor suppose dry.

Psalms 93:4

Yu wey dey up, strong pass di waves and river wey dey rush with speed. God get pawa pass all dis tins!

Exodus 7:3

But I go make Fero heart strong, even with all di signs and wonders wey I go do take warn am.

Proverbs 16:1

Even doh wi fit make awa own plans, na God get di final sey.

Proverbs 16:9

Pesin fit make en own plan, but na God dey direct anytin wey e go do.

Proverbs 20:24

Na God dey direct pesin; so how pesin won use en own mind take know as en life go bi?

Isaya 43:19

But naw, I go do new tin; e go happen and una go si am! I go make road for di wildaness kon give una plenty wota for der.

Isaya 44:27

Na mi kommand di sea make e dry and e dry own.

Jeremaya 39:12

E tell am, “Make sure sey Jeremaya nor wound and yu go kare for am kon gi-am anytin wey e wont.”

Daniel 4:35

Yu nor fit kompare God with anybody for dis world. E dey do wetin E like with di angels for heaven and pipol for dis world. Nobody fit shalenge or ask am, “Wetin Yu tink sey Yu dey do?”

Acts 7:10

kon save am from all en wahala and from Fero wey bi Egypt king, E gi-am favor with wisdom and Fero kon make am oga for di whole Egypt and ova evritin wey e get.

Revelashon 16:12

Den di sixt angel pour wetin dey en basin put for River Eufrates. Di river dry and road kon dey for di kings wey dey kom from east.

Revelashon 16:4

Di third angel pour wetin dey en basin put for river. Di river and di wota wey dey flow pass, kon turn to blood.