Proverbs 20:6 - Holy Bible Nigerian Pidgin English

⁶ Some pipol dey tok how dem dey honbol and faithful, but e go hard to find pesin wey really bi like dat.

Proverbs 20:6 ပူးပေါင်းရင်းမြစ်များ

Psalms 12:1

My God, make Yu diliver mi! Bikos all doz wey dey fear and respet Yu, wiked pipol don kill dem finish.

Psalms 12:2

Pipol dey lie give each oda; dem just dey deceive demsef.

Proverbs 20:5

Betta advise for pesin heart bi like wota for inside deep well, but pesin wey get wisdom go draw am kom out.

Proverbs 25:14

Pipol wey dey promise and fail bi like kloud and heavy breeze wey nor dey bring rain.

Proverbs 27:2

So make yu let odas praiz yu, instead of yu to dey praiz yorsef.

Ekklesiastes 7:28

“Wetin I dey find since, I neva still si am; I si sey among 1,000 pipol, na only one man dey good, but I nor si any woman wey good among dem.

Jeremaya 5:1

God sey, “Waka round Jerusalem street kon shek for where pipol gada weda una go si any good and raitious pesin. If una si, I nor go ponish di town again.

Mikah 7:1

E don finish for mi! I bi like pesin wey nor si fruit chop or si fruit pick afta dem don harvest evritin.

Mikah 7:2

Betta pipol wey dey fear God, don die komot di eart and e nor get anybody wey dey good and honest for dis eart again. Evribody for di eart dey wait to kill each oda; dem dey set trap dey wait dia brodas for road.

Matiu 6:2

“Anytime una give sometin to pipol, make una nor show unasef as pritendas dey do for dia sinagog and road, so dat oda pipol go praiz dem. I tell una true word, dem don already get dia reward.

Luke 18:11

Di Farisee kon stand dey pray about ensef sey: ‘God, I tank yu sey I nor bi like oda pipol wey dey play wayo, dey sin, pipol wey dey kommit adultery or even like dis tax kollector.

Luke 18:28

Den Pita sey, “Oga God, wi don leave evritin wey wi get kon follow yu!”

Luke 18:8

I tell una true word, God go help dem kwik-kwik. But wen Man Pikin kom back, e go si pipol wey get faith?”

Luke 22:33

Pita tell am, “Oga God, I dey ready to follow yu go prison and even die with yu.”

John 1:47

Wen Jesus si Netanel dey waka kom meet am, e kon sey, “Make una look! Dis na betta pesin wey kom from Israel, wayo nor dey en belle.”

2 Korintians 12:11

I don turn to fool! Na una force mi, bikos una suppose to praiz mi. Even if I nor bi anytin, e nor get anytin wey doz una “supper apostles” take betta pass mi.