Proverbs 2:5 - Holy Bible Nigerian Pidgin English

⁵ If yu do like dat, yu go know wetin e mean to fear God and yu go susid as yu dey learn about God.

Proverbs 2:5 ပူးပေါင်းရင်းမြစ်များ

Job 28:28

God tell human being, ‘Before una go get sense, una must woship mi. Una go turn live bad tins, before una go fit get undastandin.’ ”

Proverbs 1:7

For yu to get wisdom, yu most fear God, but na only foolish pipol dey rijet wisdom and good advise.

Proverbs 28:7

Yong man wey dey obey di law get sense. Pesin wey dey make friends with yeye pipol na disgrace to en papa.

Proverbs 8:17

I love only doz wey love mi; anybody wey dey look for mi, go si mi.

Proverbs 9:10

If yu won get wisdom, yu go first fear God. If yu know di One wey dey holy, den yu don get undastandin.

Isaya 33:6

Na-im dey make en pipol strong kon make dem dey save. E dey protet and give dem wisdom and na only doz wey dey fear am, E dey do all dis tins for.

Jeremaya 24:7

I go let dem know sey na mi bi God. Den, dem go bi my pipol and I go bi dia God, bikos dem go kom back kon serve mi with all dia heart.

Jeremaya 31:34

“Pipol nor go nid to tish each oda about how to know God, bikos evribody go know mi; both doz wey poor and doz wey get money. I go forgive dia sins and I nor go remember di bad tins wey dem do before. Mi, wey bi God, don tok.”

Jeremaya 9:24

If anybody won boast, make e boast sey e know and undastand mi, bikos my love dey forever and I dey do wetin dey korrect and true. I like pipol wey dey do dis kind tin. Mi, wey bi God, don tok.”

Hosea 6:3

So make wi serve God. As far day dey break and rain dey fall for di eart, E go kom save us.

Matiu 11:27

“My Papa put evritin for my hand. Nobody know di pikin, but na only en Papa know am. Nobody know di Papa, but na only di pikin and anybody wey di pikin choose to show.

Luke 10:22

“My Papa don give mi evritin. Nobody know who di pikin bi escept di Papa and nobody know who di Papa bi escept di pikin and pipol wey di pikin choose to show.”

John 17:3

Life wey nor dey end, dis na wetin e mean, ‘Na make pipol know yu wey bi di only true God and Jesus Christ, wey yu send.’

1 John 5:20

Wi know sey God Pikin don kom and e don give us sense to know di trut about God. And wi dey inside en Pikin Jesus Christ. Na-im bi di real God and na-im bi di life wey nor go end.