Proverbs 17:23 - Holy Bible Nigerian Pidgin English

²³ Wiked judge dey take bribe for sekret and bikos of dat, dem nor go give korrect judgement.

Proverbs 17:23 ပူးပေါင်းရင်းမြစ်များ

Exodus 23:8

“Make una nor take bribe, bikos bribe dey blind pesin eye and spoil good pipol.

Proverbs 17:8

Some pipol tink sey bribe dey work like majik; dem bilive sey e fit do anytin wey dem wont.

Proverbs 18:16

If yu won go meet important pesin, den karry gift follow body and e go dey eazy for yu to tok to am.

Proverbs 21:14

If pesin dey vex for yu; gift wey yu gi-am for sekret go kool en tempa.

Ekklesiastes 7:7

True-true, opreshon fit turn wise man to fool, just as bribe dey korrupt di mind.

Isaya 1:23

Una leaders don rijet mi and na tif bi dia friends; dem dey always kollect bribe from pipol. If pipol wey nor get papa and mama and doz wey dia husband don die bring dia kase kom meet una, una nor dey defend or listin to dem.

Isaya 5:23

Dem dey free pipol wey dey guilty kon opress doz wey dey innocent, bikos dem don take bribe.

Ezekiel 22:12

Some of una dey kill pipol, bikos of money. Some dey put intrest for di money wey dem borrow dia kountry man and dem dey get plenty gain thru dat one. Dem don forget mi.” Dis na wetin God wey get pawa tok.

Ezekiel 22:27

Pipol wey dey rule bi like wolf wey tear animal into too. Dem dey kill pipol, so dat dem go get money.

Mikah 3:11

Una leaders nor dey judge well, bikos dem don take bribe and una priest dem dey do dia work, bikos of money. Una profets nor dey profesai unless dem first pay dem. Yet all of una sey una trust God. Una sey, “Nor-tin go happen to us, bikos God dey with us.”

Mikah 3:9

Una wey bi leaders for Israel, make una listin to mi! Una hate to judge well and dey shange evritin wey dey rite.

Mikah 7:3

Dia hand dey only like to do bad tins! Doz wey bi ofisas and judge, na only bribe dem wont. Doz wey get pawa, dey use am get wetin dem wont.

Deutronomi 16:19

Make una nor judge anyhow or judge wetin una nor know. Make di judge dem nor take bribe from pipol, bikos bribe dey blind wise pesin eye kon spoil betta pipol mind.

1 Samuel 12:3

Naw, as I dey here so, anybody fit tok bad about mi before God and di king wey E choose? I don use force take anybody animal? I don do anybody wrong? I don opress anybody? I don take bribe from anybody hand wey make mi nor tok trut? Make una tell mi and I go ansa una!”

1 Samuel 8:3

But en boys nor follow wetin e tish dem, instead dem dey take bribe and nor dey judge well.