Proverbs 17:14 - Holy Bible Nigerian Pidgin English

¹⁴ To start kworel bi like wen yu leave wota make e dey rush; so e go good make yu stop am, before e go kause big wahala.

Proverbs 17:14 ပူးပေါင်းရင်းမြစ်များ

2 Samuel 19:41

Den Israel pipol go meet di king kon sey, “Awa king, wetin make awa brodas for Judah hide escort yu, yor family and yor men cross Jordan River?”

2 Kronikles 13:17

Abijah with en sojas win dem well-well, dem kill 500,000 strong Israel sojas.

2 Kronikles 28:6

King Pekah for Israel wey Remalaya born, kill 120,000 sojas for Judah, bikos dem turn from dia grand-grand papa God.

Proverbs 13:10

To dey karry body up, dey kause wahala, but doz wey dey take advise, wise well-well.

Proverbs 14:29

Pipol wey get sense, dey kontrol demsef wen dem dey vex; but doz wey dey kwik vex, dey show as dem foolish rish.

Proverbs 15:1

Good ansa dey end vexnashon, but yeye words dey kause kworel between pipol.

Proverbs 16:32

E betta to dey patient dan to bi strong warrior. E betta make yu kontrol yorsef dan to kontrol di whole town.

Proverbs 17:19

Pesin wey like to dey kworel, like trobol and If yu always dey karry body up, den yu dey kause wahala for yorsef.

Proverbs 19:11

If yu get sense, yu go fit kontrol yor tempa. E dey good make yu nor ansa if pesin offend yu.

Proverbs 20:3

Na only foolish pesin dey start kworel; so di rite tin to do, na to run from am.

Proverbs 25:8

Nor kwik karry matter go kourt, bikos if anoda witness show sey na yu dey wrong, den, na wetin yu go do?

Proverbs 26:21

Pipol wey like wahala dey kause trobol, just as mashes and kerosine dey start fire.

Proverbs 29:22

Pesin wey get hot tempa dey kause kworel and pesin wey dey kwik vex, dey sin well-well.

Romans 12:18

and make una try to live for peace with evribody.

1 Tesalonians 4:11

Make una dey do well, so dat una go live kwayet life; dey mind una own business and dey work with una hand as wi kommand una before.