Proverbs 16:21 - Holy Bible Nigerian Pidgin English

²¹ Yu go no pesin wey wise and dey mature bikos of di undastandin wey e get. As en word sweet rish, na so too e dey give pipol hope.

Proverbs 16:21 ပူးပေါင်းရင်းမြစ်များ

1 Kings 3:12

I go do wetin yu ask. I go give yu wisdom and undastandin wey pass di ones wey anybody don get before or go get afta yu.

Psalms 45:2

Na yu fine pass among evry oda man! Betta word dey kom out from yor mout and bikos of dis, God ensef don bless yu forever.

Proverbs 10:13

If pesin get sense, e dey show wen e dey tok, but if yu dey foolish, na stik dem go take beat yu.

Proverbs 10:23

Foolish pipol dey enjoy di bad tins wey dem dey do, but pipol wey get sense, dey happy to get wisdom.

Proverbs 10:8

Pipol wey get sense dey happy well-well wen dem advise dem, but foolish pipol words go distroy dem.

Proverbs 15:7

Na good advise dey kom out from wise pipol mout; but foolish pipol heart nor get anytin to give.

Proverbs 16:22

Wisdom bi like wota wey dey give life to wise pipol, but na waste of time to go tish foolish pesin.

Proverbs 23:15

My pikin, if yu dey wise, I go happy well-well.

Proverbs 27:9

Just as perfume and fine oil dey make pesin happy, na so too betta advise from pesin friend, dey bring joy to en heart.

Ekklesiastes 12:10

Di tisha kon try to find good words wey go make us know di trut;

Isaya 50:4

God wey get pawa don tish mi wetin I go tok, so dat I go fit make pipol wey dey weak, strong. Evry morning, I dey-dey happy to hear wetin God dey tish mi.

Hosea 14:9

Make doz wey dey wise, undastand dis tins. Make doz wey get sense, listin well-well. God ways dey true and e dey rite too and pipol wey dey raitious, dey follow am as dem dey live dia life. But doz wey dey sin, go stagga fall.

Matiu 11:25

For dat time, Jesus kon sey, “I praiz yu Papa, Oga God wey get heaven and eart, bikos yu hide dis tins from pipol wey get sense and doz wey know book well-well, but yu show dem to small shidren.

Luke 4:22

Evribody dey tok good about Jesus, dem sopraiz for di sweet-sweet word wey dey kom out from en mout. So dem kon ask, “Dis nor bi Josef pikin?”

John 7:46

Di sojas ansa, “Wi neva si anybody wey tok like dis man before!”

Romans 16:19

I dey happy, bikos evribody don know how una dey obey God. But I wont make una dey wise wen e rish matter wey koncern wetin dey good or bad. Make una nor do any bad tin.

James 3:17

But God wisdom dey pure; e get peace; dey gentol; dey asept pipol and good fruit and mesi full am; e nor dey do wayo or pritend.