Proverbs 16:1 - Holy Bible Nigerian Pidgin English

¹ Even doh wi fit make awa own plans, na God get di final sey.

Proverbs 16:1 ပူးပေါင်းရင်းမြစ်များ

2 Samuel 7:5

“Make yu go tell David wey bi my savant sey, ‘Nor bi yu go build temple for mi wey I go stay.

2 Kronikles 18:31

So wen dem si King Jehoshafat, all of dem tink sey na Israel king bi dat, so dem bigin attack am. But King Jehoshafat shaut and God help am.

Ezra 7:27

Ezra kon sey, Make wi praiz di Oga, wey bi awa grand-grand papa dem God! Na-im make di king honor God Temple for Jerusalem like dis.

Nehemaya 1:11

Make Yu listin to di prayers wey mi and yor savants wey dey honor Yu, dey pray. Make Yu help mi today, so dat di king go sorry for mi.” For dat time, na mi dey serve di king wine.

Job 17:11

My plans don fail; my days go soon end and I nor get hope again.

Psalms 10:17

Oga God, na Yu bi di hope wey poor pipol get. True-true, Yu go hear dia kry kon konfort dem.

Psalms 119:36

Instead of to dey love money, make Yu let mi dey worry to know yor laws!

Exodus 4:15

Den yu go tell am wetin e go tok. As for mi, I go tok thru una and I go tish two of una wetin to do.

Proverbs 15:33

To fear God, dey bring wisdom and to honbol yorsef, dey bring honor.

Proverbs 16:9

Pesin fit make en own plan, but na God dey direct anytin wey e go do.

Proverbs 19:21

Pipol fit plan difren-difren tins, but na wetin God tok, go happen.

Proverbs 20:24

Na God dey direct pesin; so how pesin won use en own mind take know as en life go bi?

Proverbs 21:1

Evry king heart dey God hand; just as E dey show river how e go take flow, na so too E dey kontrol kings mind.

Jeremaya 10:23

My Oga God, wi know sey pipol nor fit kontrol dia own destini and dem nor get di pawa to know wetin go happen to dem.

2 Korintians 8:16

Wi tank God wey give Titus di kind mind wey I get to help una.

Filippians 2:13

bikos na God dey work inside una and una go fit do good tins kon get di pawa wey go make una happy.