Proverbs 15:31 - Holy Bible Nigerian Pidgin English

³¹ If yu listin well wen pipol dey korrect yu, yu go dey wise and get sense.

Proverbs 15:31 ပူးပေါင်းရင်းမြစ်များ

Proverbs 1:23

How I wish una go gri listin, den I for give una good advise kon share my wisdom with una.

Proverbs 13:18

If yu vex sey pipol dey korrect yu, na poverty and disgrace go end yor life; but dem go honor yu, if yu asept korreshon.

Proverbs 13:20

Follow who get sense waka, so dat yu go get sense too; but if yu waka with foolish pipol, na trobol go follow yu.

Proverbs 15:30

Happiness dey bring joy to pesin heart and good news dey make pesin happy.

Proverbs 15:32

If yu nor like korreshon, na yorsef yu dey do; but if yu listin to korreshon, yu go always dey undastand.

Proverbs 15:5

Na only fool nor dey listin to en mama and papa word; but anybody wey dey take korreshon, go get sense.

Proverbs 18:15

Wise pesin dey always look for knowledge and en mind dey find wisdom.

Proverbs 19:20

If yu dey listin to advise and dey ready to learn, yu go wise one day.

Proverbs 25:12

Wen wise pesin advise pesin wey ready to listin, wetin e tok, betta pass fine gold ring or necklace.

Ekklesiastes 7:5

E betta make wise pesin korrect yu dan make fool praiz yu.

Isaya 55:3

My pipol, make una open una ear as una dey kom meet mi; make una kom meet mi and una go get life! I go give una kovenant wey go last forever kon give una di blessings wey I promise David.

1 John 2:19

Na from us dis pipol from komot, but dem nor really dey God family before, bikos if to sey dem dey, dem for stay with us. But dem live us, so dat evribody go know sey dem nor bi awa own.