Proverbs 15:27 - Holy Bible Nigerian Pidgin English

²⁷ Long-trot dey kill pesin family finish, but doz wey hate bribe, go get long life.

Proverbs 15:27 ပူးပေါင်းရင်းမြစ်များ

1 Kings 2:40

e enter en donkey kon go find en slaves wey dey with King Akish. E si dem kon bring dem kom house back.

2 Kings 5:27

Bikos of dis tin wey yu do so, Naaman diziz go katch yu and yor shidren-shidren forever.” So wen Gehazi komot from Elisha front, di diziz kon katch am and en body kon dey white like snow.

Psalms 15:5

Some pipol dey borrow money give odas without intrest and dem nor dey kollect bribe to lie for pesin head. Di pipol wey dey do dis kind tins, go stand gidigba forever.

Exodus 18:21

But make yu choose good men from di pipol. Men wey dey fear God; dey tok true; doz wey nor dey play wayo kon make dem rulers ova di pipol. Some fit rule tazons, odas hundred, some fifty, while some go rule ten.

Exodus 23:8

“Make una nor take bribe, bikos bribe dey blind pesin eye and spoil good pipol.

Proverbs 1:19

Dis na wetin dey happen to pipol wey play wayo take get propaty.

Proverbs 11:19

Anybody wey ready to live rite, go get life; but pesin wey sey na bad tins e like to dey do, go die.

Proverbs 11:29

Pesin wey bring trobol kom meet en family, nor go get anytin and foolish men go always bi savant to wise pipol.

Proverbs 15:26

God hate evil plans, but E like betta words.

Proverbs 20:21

Propaty wey pesin use wayo take kwik get for life, nor dey last.

Proverbs 23:4

As yu dey try to get money, make yu use yor sense, so dat life nor go taya yu,

Proverbs 28:16

Ruler wey nor get betta sense, go rule with wikedness. But pesin wey nor like lie, go rule tey.

Proverbs 28:25

To get long-trot dey only kause trobol, so e betta make yu trust God.

Proverbs 29:4

With betta judgement, king dey make en kingdom strong, but king wey like money well-well, dey skata en throne.

Jeremaya 17:11

Pesin wey dey make money with wayo, bi like bird wey dey hash egg wey e nor lay. Wen e don dey old, e go luz all di money wey e get, den e go know sey e bi fool.”

Deutronomi 16:19

Make una nor judge anyhow or judge wetin una nor know. Make di judge dem nor take bribe from pipol, bikos bribe dey blind wise pesin eye kon spoil betta pipol mind.

Deutronomi 7:26

Any propaty wey God nor like, make una nor take am enter una house, bikos if una do so, God go distroy una just as E do to doz pipol. Make una make sure sey una nor do dat kind tin, bikos God go distroy dem.

1 Timoti 6:10

Pesin wey love money, go get wahala, wiked and evil tins. Bikos some pipol one get money by force, dem don fall komot from di faith kon wound demsef anyhow.

1 Timoti 6:9

Pipol wey won get money by force, dey fall enter temptashon and dem dey get troat for yeye tins wey go distroy and put dem for wahala.

Joshua 6:18

But make una take kare wen una dey keep di tins wey bi God own. If una take any of dem, una go kause wahala for awa kamp and awa pipol.

1 Samuel 12:3

Naw, as I dey here so, anybody fit tok bad about mi before God and di king wey E choose? I don use force take anybody animal? I don do anybody wrong? I don opress anybody? I don take bribe from anybody hand wey make mi nor tok trut? Make una tell mi and I go ansa una!”