Proverbs 13:13 - Holy Bible Nigerian Pidgin English

¹³ Pipol wey nor dey listin to advise dey ask for trobol, but doz wey dey respet di law, go susid.

Proverbs 13:13 ပူးပေါင်းရင်းမြစ်များ

2 Kronikles 36:16

But dem laf God messenjas, rijet en warnin and en profets. At last, God vex for en pipol and nobody fit stop am wen E dey vex.

Ezra 10:3

Naw wi must make promise give awa God sey wi go send doz wimen and dia shidren go. Wi go do anytin wey yu and di odas wey dey respet God advise sey make wi do. Wi go do wetin God law kommand.

Psalms 115:13

E go bless di pipol wey dey obey am; both small and big.

Psalms 119:165

Pipol wey love wetin Yu tok, get peace of mind and dem nor dey fear, shake or fall.

Psalms 19:11

Dem dey tish yor savant well and doz wey dey obey dem, go get betta reward.

Psalms 19:12

So God, how I won take know all my fault? Make Yu klean mi from di bad tins wey I do wey I nor know.

Exodus 9:20

Doz wey bi Fero savants wey dey fear God word kon rush go gada dia savant and animals enter house.

Proverbs 1:25

Una nor gri take my advise or allow mi korrect una.

Proverbs 13:12

Wen wetin pesin hope for nor kwik rish en hand, di heart go sick, but dream wey kom to pass, bi like tree wey dey give life.

Proverbs 13:21

Doz wey dey like to sin, na trobol dey porshu dem, but na blessing, raitious pipol go gain.

Proverbs 16:20

Listin to wetin dem tish yu and yu go dey susesful; make yu trust God, so dat blessing go follow yu.

Proverbs 19:16

Keep God kommandment and yu go get long life; but yu go die, if yu nor follow dem.

Isaya 66:2

Na my hand I take make heaven and eart; dem with evritin wey dey inside na my own. Mi wey bi Oga God, don tok! I go bless di pesin wey dey honbol and dey ready to turn from sin kom meet mi; pesin wey dey fear and obey mi.

Jeremaya 43:2

Azaraya wey bi Hoshaaya pikin and Johanan wey Kareah born with di oda sturbon men for Jerusalem kon tell mi, “Na lie yu dey lie! Di Oga awa God nor sey make yu tell us make wi nor go Egypt.

Ezekiel 20:13

“But even as dem dey wildaness, dem rijet mi. Dem break my laws kon rijet my kommand wey dey give life to doz wey dey obey am. Dem distroy di Sabat finish. Wen dem dey di wildaness, I dey ready to make dem feel as my vexnashon strong rish.

Ezekiel 20:16

I tok like dat, bikos dem don break my law, rijet my kommand kon distroy di Sabat. Dem like to woship juju well-well.

Ezekiel 20:24

I do like dis, bikos dem don rijet my kommand, break my law kon distroy di Sabat Day and dey serve di same juju wey dia grand-grand papa dem serve.

Malakai 3:16

Den di pipol wey dey fear God kon tok to each oda and God listin and hear wetin dem tok. For God present, all doz wey dey fear and respet en name, dem kon rite dia name put for one book so dat God go remember dem.

Nombas 15:31

bikos e nor gri do wetin God tok or obey en kommand. Na en use en hand kill ensef.’ ”

Matiu 5:12

make una happy and make belle sweet una, bikos na big tin dey wait una for heaven. Make una remember sey, na so di profets wey kom before una, sofa too.”

Luke 16:31

“Abraham ansa am, ‘If dem nor gri listin to Moses and di profets, dem nor go still listin, even if pesin wey don die go back go meet dem.’ ”

2 John 1:8

Make una shine una eye, so dat di work wey wi do among una, nor go lost, but instead, wi go get komplete reward.