Proverbs 12:12 - Holy Bible Nigerian Pidgin English

¹² Pipol wey bi tif dey jealous wetin odas tif, but wetin raitious pipol get, dey rish dem, bikos dem dey work for dia own food.

Proverbs 12:12 ပူးပေါင်းရင်းမြစ်များ

Psalms 1:3

E bi like tree wey dem plant near wota; wey dey bear fruit for di korrect time and en leaf nor dey dry. E dey prosper for anytin wey e do.

Psalms 10:9

Like lion wey hide for korna, na so dem dey wait to kill innocent pipol. Dem dey katch and drag innocent pipol for dia net like hunta wey katch animal.

Psalms 9:15

Wiked pipol don fall enter di pit wey dem dig for odas. Di trap wey dem set, don katch dia own leg.

Proverbs 10:15

Money dey protet rish pipol, but poverty dey distroy poor pipol.

Proverbs 11:30

Raitious pipol fruit bi like tree wey dey give life, but pesin wey dey prish give odas to turn kom meet God, get sense.

Proverbs 21:10

Wiked pipol dey always like to do wiked tins, so dem nor dey pity for anybody.

Isaya 27:6

Time dey kom wen Jakob shidren-shidren go get rut like tree and dem go grow well. Di fruit wey dem go bear, go full di eart.

Isaya 37:31

Doz wey go survive for Judah, go grow like plant wey en rut deep well-well kon produce betta fruit.

Mikah 7:2

Betta pipol wey dey fear God, don die komot di eart and e nor get anybody wey dey good and honest for dis eart again. Evribody for di eart dey wait to kill each oda; dem dey set trap dey wait dia brodas for road.

John 15:16

Nor bi una choose mi, but na mi choose una. Bikos of dat, I don give una pawa to bear fruit wey go last, so dat my papa go give una anytin wey una ask am for my name.

John 15:5

“Na mi bi di vine and na una bi di branches dem. Di pesin wey stay inside mi and I stay inside am, go bear plenty fruit, bikos without mi, una nor go fit do anytin.

Romans 6:22

But naw, una don dey free from sin kon bi God savant. Dis go make una dey holy and God go give una life wey nor dey end.