Proverbs 11:24 - Holy Bible Nigerian Pidgin English

²⁴ Wen pipol give out dia money, dem dey get more; but doz wey nor dey give, nor dey get at-all.

Proverbs 11:24 ပူးပေါင်းရင်းမြစ်များ

2 Kronikles 31:10

Zabud from Zadok family wey dey head all di priests kon sey, “Since dem bigin bring all dis tins kom God Temple, wi dey get plenty to chop and e dey remain. God don bless en pipol, naim make all dis ones still remain.”

Psalms 112:9

Dem dey share and give wetin dem get to poor pipol for free. Pipol go always remember dia good work forever. Dis kind pipol, go get respet and honor.

Proverbs 11:18

Wiked pipol nor get gain for anytin, but reward dey for who dey do di korrect tin.

Proverbs 11:23

Wetin good pipol wont, dey bring good result; but evribody dey vex if wiked pesin get wetin e wont.

Proverbs 11:25

Make yu dey give and yu go prosper; help odas and yu go get help.

Proverbs 13:7

Poor pipol dey bihave like sey dem get money, but doz wey get money dey pritend sey dem poor.

Proverbs 19:17

Wen yu give sometin to poor pipol, e bi like sey God dey borrow from yu and God go pay yu evritin wey E borrow.

Proverbs 28:27

Make yu dey always give tins to poor pipol and yu nor go ever lack, but if yu nor dey sorry for poor pipol, dem go curse yu.

Proverbs 28:8

If yu get money from intrest wey yu dey kollect, bikos di pipol kon borrow from yu, one day, one pesin go kom kollect all yor propaty and e go sorry for poor pipol.

Ekklesiastes 11:6

So, make yu go plant yor seed for morning and nor stop to work until evening; bikos yu nor know di one wey yu do wey go bring gain for yu; weda na dis one, dat one or di two.

Haggai 1:6

Una plant many korn, but wetin una harvest, small. Una get food to chop, but e nor dey beleful una. Una get wine to drink, but e nor dey rish una! Even wen una wear many klot, e nor dey make una warm and pipol wey dey work, dia salari nor dey rish dem spend.

Malakai 3:8

E dey good for pesin to shit God? No! But una dey shit mi and una dey ask, ‘How wi take dey shit Yu?’ Na for di matter wey koncern una ofrin and one out of evry ten tins wey una get.

Luke 6:38

Make una give pipol wey nor get and God go give una wetin really big, E go pak am well-well and di tins go ova full. God go pour all dis tins for una life. But na as una take give odas, na so God go take give una too.”

Deutronomi 15:10

Make una dey give to poor pipol with happiness, bikos di Oga una God go bless una for evritin wey una dey do.