Nombas 6:20 - Holy Bible Nigerian Pidgin English

²⁰ Den, di priest go give dem as special gift to God; na holy ofrin for di priest, with di ram breast and leg, bikos na di priest own akordin to wetin dem rite for di law. Afta dis, di Nazirite go fit drink wine.’

Nombas 6:20 ပူးပေါင်းရင်းမြစ်များ

Ekklesiastes 9:7

So, make wi kontinue to chop with joy and drink with happiness for awa heart, bikos God don already asept awa work.

Isaya 25:6

For Mount Zion, God wey dey lead heaven sojas go do big party for all di pipol for di world. For di party, plenty food go dey to chop and wine go dey to drink; betta meat and sweet wine go dey too.

Isaya 35:10

Dem go dey happy, dey sing and shaut with joy till dem rish Jerusalem. Dem go dey happy forever and dem go dey free from sorrow and pain.

Levitikus 10:15

Dem go bring di leg and di breast wen dem won give as food ofrin to God. Dis part na yu and yor shidren own forever, just as God don kommand.”

Levitikus 23:11

E go offa am as special ofrin to God, so dat I go asept am. Na di day afta Sabat Day, di priest go offa am.

Levitikus 7:30

E go bring am with en own hand as food ofrin. E go bring di animal fat with en breast kon gi-am as special gift to God.

Levitikus 7:31

Di priest go burn di fat for di altar, but di breast go bi di priest own.

Levitikus 7:32

E go give di animal rite leg as special kontribushon

Levitikus 7:34

Di animal breast na special gift and di rite leg na special kontribushon wey God don take from Israel pipol kon gi-am to di priests. Dis na wetin Israel pipol go give di priests forever.

Levitikus 9:21

kon give di breast and di rite leg as special gift to God for di priests, just as Moses kommand.

Zekaraya 10:7

Israel pipol go bi like strong sojas and dem go happy like pipol wey drink wine. Dia shidren go remember as dem take win kon happy, bikos of wetin God don do.

Zekaraya 9:15

Oga God wey get pawa go protet en pipol and dem go distroy dia enemies. Dem go dey shaut for war like who drink dey katch and dem go kill dia enemies finish. Dia enemies blood go plenty well-well like sakrifice blood wey dem pour put for di altar.

Zekaraya 9:17

Dem go dey good and fine well-well! Di korn and wine wey di yong pipol go dey chop and drink, go make dem grow and dey strong.

Nombas 18:18

But dia meat go bi yor own, just as di breast and di rite leg bi yor own.

Nombas 5:25

di priest go take di korn ofrin komot from di woman hand, wave di korn ofrin before God kon take am go di altar.

Nombas 6:21

Wen pesin vow to give ensef and any oda tin as ofrin to God, e go must do evritin wey e promise.”

Matiu 26:29

I tell una, from naw go, I nor go drink dis wine until di day wey I go drink di new wine with una for my Papa kingdom.”

Mark 14:25

I tell una true word, I nor go drink wine again, until di day wen I go drink di new wine for God Kingdom.”

John 19:30

Wen e don taste di wine, Jesus kon sey, “Evritin don finish.” Den e bend en head down, kon die.