Nombas 23:21 - Holy Bible Nigerian Pidgin English

²¹ Wahala nor go happen to Jakob shidren; Israel pipol nor go si trobol. Bikos di Oga wey bi dia God dey with dem and na-im bi di king.

Nombas 23:21 ပူးပေါင်းရင်းမြစ်များ

2 Kronikles 13:12

Na God ensef dey lead us. En priest dey here won blow trumpet, so dat wi go kon fight una. Israel pipol, make una nor fight against una grand-grand papa God, bikos una nor go fit win.”

Psalms 103:12

Just as east far from west, na so too E make awa sins far from us.

Psalms 118:15

Na songs for joy and viktory dem dey sing for di kamp of pipol wey dey fear and obey God, bikos God don do wonderful tins with en strong rite hand!

Psalms 135:21

E good make evribody for Zion, praiz God and bikos na en bi God wey dey Jerusalem, make all of us, praiz am!

Psalms 23:4

Even doh I waka pass di place wey dark pass and where deat dey, I nor go fear anytin, bikos E dey with mi; en rod and staff dey protet and konfort mi.

Psalms 32:2

Yes, make doz wey God don forgive dia sins happy well-well; doz wey dey live betta life naw!

Psalms 32:5

So, I konfess all my sins kon stop to hide all di bad tins wey I dey do. I tell mysef sey, “I go konfess my sins to God.” And E really forgive mi!

Psalms 46:11

God wey dey lead heaven sojas dey with us and na Israel God dey protet us.

Psalms 46:7

God wey dey lead heaven sojas dey with us and na Israel God dey protet us.

Psalms 97:1

God na king! Make di eart happy! Make river and sea happy too.

Psalms 99:2

God dey great for Zion and naim bi Oga ova all di nashons.

Exodus 13:21

Naw, God dey lead dem with kloud for day time, den for nite, E dey lead dem with fire, so dat dem go fit travel both for day and nite.

Exodus 3:12

God ansa am, “True-true, I go dey with yu and dis go bi di sign to show sey na mi send yu: wen yu take di pipol komot from Egypt, yu and dem go kom serve mi for dis mountin.”

Exodus 34:9

kon sey, “My Oga God, if I really dey good for yor eye, make Yu go with us, bikos wi bi sturbon pipol; make Yu forgive us awa evil and sin kon take us as yor pipol.”

Isaya 1:18

Afta una don do like dat, den God go sey, “Make una kom make wi setol di matter naw. Even doh una don stain unasef with blood bikos of una sin, I go wosh una white like snow. Even doh una stain red well-well, una go kon dey white like wool.

Isaya 12:6

Make evribody wey dey for Zion shaut and sing! Bikos Israel God dey holy and great and E dey stay with wi wey bi en pipol.”

Isaya 33:21

True-true, God go rule for der as awa king. River wota go dey flow pass awa land. No war ship or big ship go drive pass am.

Isaya 33:22

Bikos God wey bi awa ruler, kommander and king, go diliver us.

Isaya 38:17

Di pain wey I go thru na for my own good. Yu save my life from all di wahala kon forgive mi my sins.

Isaya 41:10

So make una nor fear, bikos I dey with una! Na mi bi una God, so make anytin nor make una fear! I go make una strong kon help una and I go protet and save una.

Isaya 8:10

Even if una plan, una nor go susid. Make una tok anytin wey una wont, but all of dem go dey yuzles, bikos God dey with us.

Jeremaya 50:20

Wen dat time rish, sin nor go dey for Israel land again and wikedness nor go dey Judah, bikos I go forgive doz wey I save dia life. Mi, wey bi God, don tok.”

Ezekiel 48:35

Di total lengt for di wall for di four side for di town go bi six mile. So, from dat day go, dem go dey koll di town: ‘God Dey Der.’ ”

Joel 2:27

Den, una Israel pipol go know sey I dey with una and una go sey, ‘Na Yu bi awa God and nobody bi like Yu.’ Nobody go ever laf my pipol again.”

Levitikus 9:24

At wons, God send fire go burn di burnt ofrin and di fat dem for di altar. Wen di pipol si am, dem kon shaut and bow face groun.

Nombas 14:18

‘Mi wey bi God, I nor dey kwik vex and I dey show my love and goodness well-well. I dey forgive pipol sins and sturbones, but I go still ponish dia shidren-shidren go rish dia third and fourt generashon, bikos of di sin wey dia papa and mama kommit.’

Nombas 14:19

Abeg, make Yu forgive dis pipol akordin to yor love wey nor dey shange; wey strong well-well, just as Yu take forgive dem for Egypt kon rish naw.”

Nombas 16:3

Dem gada against Moses and Aaron kon sey, “Una own don too mush sef! Di kommunity dey holy; na God get am and E dey with all of us too. Why e kon bi sey yu Moses go dey karry body for God pipol?”

Nombas 9:22

Weda na for two days, one mont, one year or if e tey pass so, as long as di kloud still kover di Tabanako, dem nor go komot go anywhere; but wen di kloud nor dey, dem go kontinue dia journey.

Matiu 1:23

“Si! Di woman wey neva sleep with man before go get belle and e go born boy and dem go koll am, ‘Emmanuel’ wey mean, ‘God dey with us.’ ”

Romans 6:14

Sin nor go fit kontrol una, bikos una nor dey under di law again, but na God grace dey kontrol una naw.

Romans 8:1

So, God nor go kondemn pipol wey bilive Jesus Christ.

2 Korintians 2:14

But make wi tank God wey make us winners inside Christ. Bikos thru us, many pipol don know tins about Christ, like betta perfume wey dey smell for evriwhere.

2 Korintians 5:19

So, bikos of Christ, God dey turn di world from en enemy, to en friend. E nor dey kount pipol sins against dem and E don give us di message wey go make pipol bi en friend.

2 Korintians 6:16

Wish kind business God Temple and juju get? Bikos wi bi God Temple, just as God sey, “I go stay inside dem and waka among dem, den, I go bi dia God and dem go bi my pipol.”

Deutronomi 31:23

and God kon make Joshua, Nun pikin leader for Israel sey, “Make yu dey strong and nor fear, bikos yu go take Israel, my pipol go di land wey I promise dem and I go dey with yu.”

Deutronomi 32:5

En pipol nor dey respet or fear am; dem nor dey bihave like en shidren and na dis bi dia sins. Dem wiked well-well and na lie-lie full dia generashon.

Deutronomi 33:5

Na God bi king for Israel wen all di leader among di pipol go gada go meet kon gada all di tribe for Israel as one.”

Deutronomi 9:24

Una don dey sin against di Oga una God rite from di first day wey I know una!

Judges 6:13

Gideon ansa, “My Oga! If God really dey with us, wetin make all dis tins dey happen to us? And where all di mirakle wey awa grand-grand papa dem tell us? Bikos dem sey, ‘Na God take us komot from Egypt!’ But naw, God don forget us kon allow Midian pipol dey rule us.”

1 Samuel 25:28

Abeg, make yu forgive di sin wey wi kommit and true-true God go make yor house great, bikos yu dey fight God fight. All di days wey yu go stay for dis eart, yu nor go put hand for bad tin.