Nombas 23:19 - Holy Bible Nigerian Pidgin English

¹⁹ God nor bi like man wey dey lie and E nor bi human being wey dey shange en mind. Anytin wey E promise, E dey do am; Anytin wey E tok, na so e go bi.

Nombas 23:19 ပူးပေါင်းရင်းမြစ်များ

Jenesis 26:3

Stay for dis land. Den I go dey with yu kon bless yu, bikos I go give all dis land to yu and yor shidren-shidren. I go do wetin I promise yor papa Abraham.

Jenesis 28:15

I go dey with yu! I go guide yu for anywhere wey yu dey go kon bring yu kom back to dis land. I nor go leave yu until I don do wetin I promise yu!”

1 Kings 14:11

Anybody for yor family wey die for inside town, na dogs go chop en dead body and vulture go chop di ones wey die for di open kountry. Mi, wey bi God, don tok.” ’ ”

2 Kings 15:12

Di way wey dem take kill-am kon make wetin God tok happen wen E tell Jehu sey, “Na four generashon for yor shidren go rule Israel.” And dat na wetin happen.

2 Kings 7:2

One of di king ofisas ansa, “Abeg. Dat nor fit happen! Even if God ensef dey drop food from heaven, e nor go fit happen!” Elisha ansa, “Yu go si am dey happen, but yu nor go ever chop from am!”

1 Kronikles 17:17

Yu even do di ones wey big pass dis ones! Even my grand-grand shidren wey dem neva born, Yu don promise dem many tins! My Oga God! Why Yu dey trit mi like one big man?

Psalms 110:4

God don promise and E nor go break di vow wen E make sey: “Yu bi priest forever like Melkizedek.”

Psalms 132:11

God promise David di kind promise wey nor go shange sey: “I go put one among yor shidren for di throne.

Psalms 77:9

God don forget to dey sorry for pesin? E don klose di door to pipol wey dey kom meet am for help?

Psalms 89:34

No! I nor go break my promise; I nor go take back one singol word wey I tok.

Psalms 89:35

Yes! I don promise David and bikos I dey holy, I nor go fit lie:

Isaya 21:17

Kedar pipol wey dey fight with bow and arrow, na dem strong pass, but na only few of dem go remain. Mi wey bi Oga God for Israel don tok and na so e must mi.”

Isaya 31:2

God wise well-well! E dey do just as E tok. E go ponish wiked pipol and doz wey dey enkourage pipol to sin.

Isaya 40:8

Yes, di grass go dry and flower go fade, but awa Oga God word go dey forever.”

Isaya 46:11

I koll one eagle kom from east; from one far land, di one wey dey kom do wetin I plan. Just as I tok, na so e go bi and wetin I plan, must happen.

Isaya 55:11

Na so e bi too with di word wey I dey tok; e go must do wetin I plan for am. E go must do evritin wey I send am make e kom do.

Jeremaya 4:28

Bikos of dis, di eart go kry and di sky go black, bikos God don tok sey na so e go bi and E nor go shange en mind.”

Daniel 4:28

So, all dis tins happen to King Nebukadnezzar.

Hosea 11:9

I nor go ponish una, bikos I dey vex; I nor go distroy Efraim again, bikos I bi God and I nor bi man. Mi wey dey holy, dey with una. I nor go vex kom meet una.

Mikah 7:20

Just as Yu promise awa grand-grand papa, Abraham and Jakob, na so too Yu go show us yor faithfulnes and love wey nor dey fail.

Habakkuk 2:3

Make yu rite am even doh e neva rish time for di vishon to happen. But di time go soon rish and wetin I show yu, go happen. E fit bi like sey e nor go happen, but make yu wait; e go must happen and e nor go tey again.

Malakai 3:6

“Na mi bi God and I nor dey shange. Una wey bi Jakob shidren, na mi make una neva die finish.

Nombas 14:35

Mi God don sey, ‘I go do wetin I tell dis wiked pipol wey gada togeda against mi. All of dem go die for dis wildaness. Mi wey bi God, don tok.’ ”

Nombas 23:18

Balaam kon profesai, “Make una kom! Balak wey Zippor born, make yu kom hear wetin I dey tok.

Luke 21:33

Heaven and eart go vanish komot, but my word go dey forever.

Romans 11:29

God nor dey take back wetin e don already give pipol or shange en mind about di pipol wey E don choose.

Romans 9:6

Nor bi sey God promise don fail; bikos nor bi evribody wey dey Israel really bi God pipol.

2 Timoti 2:13

Weda wi get faith for am or not, Christ go still bi who e bi and e nor go shange.

Titus 1:2

Di trut dey give dem di mind sey dem get life wey nor dey end and na God wey nor fit lie promise dem dis life even before E kreate di world.

Hibru 6:18

God nor dey lie! So di promise wey E make and ensef wey E take swear, na two tins wey nor go shange. Since wi don run go meet God make E guide us, e good make awa mind strong, so dat wi nor go fear as wi bilive en promise.

Hibru 7:21

but Jesus kon bi priest wen God sey, “I don swear and I nor go shange my mind sey yu go bi priest forever.”

James 1:17

bikos evry betta and pafet gift dey kom from God. E dey kom down from di Papa wey kreate lite and E nor dey shange.

James 4:5

Abi yu tink sey God nor mean wetin E tok wen E sey, “Di Spirit wey I put inside una dey jealous well-well?”

Joshua 21:45

So, God do evritin wey E promise Israel pipol.

1 Samuel 15:29

God wey get Israel must do wetin E tok and E nor dey shange en mind, bikos E nor bi human being wey dey shange mind.”

1 Samuel 3:12

For dat day, I go ponish Eli family as I don tell am before and evritin wey I tok from biginnin go rish end, go happen!