Nombas 14:14 - Holy Bible Nigerian Pidgin English

¹⁴ Naw, if Yu distroy dem, wetin yu wont make Egypt pipol tell di pipol for dis land, wey don already bilive sey Yu dey among yor pipol? My God, dem know sey Yu don appear to yor pipol face-to-face. Yor kloud dey kover dem for day time and for nite, yor fire dey with dem.

Nombas 14:14 ပူးပေါင်းရင်းမြစ်များ

Jenesis 32:30

So Jakob koll di place Penuel, kon sey, “I don si God face-to-face and I still dey alive.”

Nehemaya 9:12

Yu lead yor pipol with kloud for day time and fire wey go dey give dem lite for nite.

Nehemaya 9:19

Yet Yu nor still leave dem for inside desert, bikos yor mesi, dey great. Yu nor remove di kloud and fire wey dey show dem lite, both for day and nite.

Psalms 105:39

God kover Israel pipol with kloud kon give dem big fire as lite for nite.

Psalms 78:14

E dey lead dem with kloud for day and pila wey get fire for nite.

Exodus 15:14

Oda kountries go hear wetin happen kon fear Yu; betta fear go hold Filistia pipol.

Exodus 33:11

God go tok to Moses face-to-face, just as man dey tok to en friend. Den Moses go-go back to di kamp; but en yong savant Joshua wey bi Nun son, nor go komot from di tent.

Exodus 33:16

How I go take know sey I dey good for yor eye, both mi and yor pipol, Israel? Nor bi if Yu go with us (dat is, mi and yor pipol), wi go dey difren from all di oda pipol for di world?”

Exodus 40:38

God kloud dey-dey di Tabanako for day time and na fire e dey bi for nite and evribody for Israel dey si am as dem dey travel.

Nombas 10:34

As dem dey travel, God kloud dey kover dem.

Nombas 12:8

So I go tok with am face-to-face and nor bi with word wey e nor go undastand and e go si as God bi. So wetin make una nor dey fear to tok against my savant Moses?”

John 1:18

Nobody don fit si God face before. But Jesus, wey bi God ensef, wey en and en Papa bi tait friend, na-im kom show us how God bi.

John 14:9

Jesus ansa am, “So Filip, I don dey with una all dis time and yu still nor know mi? Di pesin wey don si mi, don si my Papa! Why yu kon dey sey, ‘Show us yor Papa?’

1 Korintians 13:12

Evritin wey wi dey si naw bi like ordinary image for mirror; but for dat time, wi go si am, face-to-face. Naw wi nor know evritin, but den wi go know, just as God really know us.

Deutronomi 1:19

Den just as God kommand us, wi komot from Mount Horeb kon travel pass di great wildaness wey dey make pesin fear, just as unasef go remember, den wi face Amor pipol kountries. Wen wi rish Kadesh Barnea,

Deutronomi 34:10

E nor ever get any oda profet for Israel wey bi like Moses, wey si God face-to-face.

Deutronomi 5:24

Dem kon sey, “Di Oga awa God don show us as en glory big rish and wi don hear am tok from inside di fire. Naw wi don know sey God fit tok to human being and dem go still dey alive.

Deutronomi 5:4

God tok to us face-to-face for di mountin from inside fire.

Joshua 5:1

Wen Amor pipol kings for Jordan River west and Kanaan kings wey dey near di wotaside for Jordan River hear how God take dry Jordan River for Israel pipol make dem waka pass, dem kon bigin fear well-well.

1 John 3:2

My friends, wi bi God shidren naw and wi neva know as wi go bi wen Christ go kom back. But wi know sey wi go bi like am, bikos wi go si am just as E bi.