Nehemaya 9:29 - Holy Bible Nigerian Pidgin English

²⁹ Yu warn dem sey make dem obey wetin Yu tish, but dem rijet yor law bikos of pride and even doh yor law dey give life, dem nor gri obey am, bikos of dia strong head and sturbones.

Nehemaya 9:29 ပူးပေါင်းရင်းမြစ်များ

2 Kings 17:13

God really warn Israel and Judah pipol thru all en profets and doz wey dey si wetin go happen sey, “Make una turn from sin kon obey my kommand and laws wey dem rite for una. Na mi sey make una grand-grand papa dem keep dis law and I dey send my savants kon remind una about am.”

2 Kings 17:14

But una nor gri listin, instead una dey show strong head like dia grand-grand papa wey nor trust di Oga dia God.

2 Kronikles 24:19

God send profet go meet dem, so dat dem go turn back kom meet am. Dem warn dem well-well, but dem nor gri listin.

2 Kronikles 33:10

Even as God warn Manasseh and en pipol rish, dem nor gri listin.

2 Kronikles 36:15

God wey bi dia grand-grand papa God always dey warn dem, bikos E dey pity for en pipol and Jerusalem wey bi en house.

Nehemaya 13:15

For dat time, I si pipol for Judah dey make juice from grapes for Sabat Day. While some dey load korn, wine, grapes, figs and oda tins on-top dia donkey kon take dem go Jerusalem. So I warn dem sey make dem nor sell anytin for Sabat Day.

Nehemaya 9:10

Yu do wonderful mirakles against Egypt king, en ofisas and dia pipol, bikos Yu know as dem take opress yor pipol. Yu win and give yorsef name wey dem dey celebrate till today.

Nehemaya 9:16

But bikos of pride and sturbones, awa grand-grand papa dem nor gri obey yor kommand.

Nehemaya 9:26

But with all dis tins, di pipol go against Yu. Dem nor gri obey Yu and dem turn from yor law. Dem kill di profets wey kom warn and tell dem to turn kom meet Yu. Dem curse Yu many-many times,

Nehemaya 9:30

Bikos of yor love, Yu dey patient with dem for many years. Yu send yor Spirit wey warn dem thru di profets. But yet, dem nor gri listin! So Yu allow oda nashons attack dem again.

Exodus 10:3

So Moses and Aaron go meet Fero kon tell am, “God wey bi Hibru pipol God sey: ‘Na how long e go take yu before yu go honbol yorsef for where I dey? Make yu let my pipol go woship mi!

Jeremaya 17:23

But una grand-grand papa nor listin to mi, bikos dem sturbon and nor gri obey or learn from mi.” ’

Jeremaya 19:15

Israel God wey dey mighty tok: “I go soon ponish dis town and di oda towns wey surround am, bikos una sturbon well-well and una nor gri listin to wetin I tok.”

Jeremaya 42:19

“I still tell dem, ‘God don tell una wey remain for Judah sey make una nor go Egypt.’ So I dey warn una,

Jeremaya 43:2

Azaraya wey bi Hoshaaya pikin and Johanan wey Kareah born with di oda sturbon men for Jerusalem kon tell mi, “Na lie yu dey lie! Di Oga awa God nor sey make yu tell us make wi nor go Egypt.

Jeremaya 44:10

But till naw, una neva gri honbol unasef. Una neva honor mi or live una life as I kommand una and una grand-grand papa.

Jeremaya 7:26

But nobody among una dey listin or hear dem. Instead, una sturbon and wiked pass una grand-grand papa.”

Ezekiel 20:11

“I give dem my kommand kon tell dem my laws wey dey give life to doz wey obey am.

Daniel 5:20

But e kom dey karry body up, dey sturbon and pride kon full en spirit, so God remove am from en throne and e kom lost en respet.

Hosea 6:5

Na dis make mi send my profet kom give una di judgement and distroshon message. Just as day dey break for morning, na so too, my judgement go kom meet una.

Levitikus 18:5

So una must keep my law and kommandment; anybody wey do like dat, go get long life. Na mi bi God.

Matiu 19:17

Jesus ansa am, “Why yu dey ask mi about wetin good? Na only God good. So if yu wont enter heaven, make yu keep God kommandments.”

Luke 10:28

Jesus kon tell am, “Yor ansa korrect, make yu do dem and yu go get korrect life.”

Romans 10:5

Na dis raitiousness wey di law tok, naim Moses rite about sey: “Di pesin wey follow di law must do evritin wey di law tok.”

Galatians 3:12

Di law nor dey bring faith, but di pesin wey dey do wetin di law tok, go live by wetin e dey do.

Deutronomi 31:21

Den wen wahala and sofa fall for dia head, dis song go bi witness against dem, bikos dia shidren-shidren nor go forget am. I know wetin dem dey tink for dia mind today, even before I take dem go di land wey I promise dem.”

Deutronomi 31:27

bikos I know as una sturbon rish. True-true, as I stay among una kon rish today, una still dey disobey God; so how una sturbones go kon bi wen I don die?

Deutronomi 4:26

I koll heaven and eart as witness today against una. If una break di kommand wey God give una thru mi, una go die for di land wey una won cross Jordan River enter. Una go stay der small; den God go distroy una finish.

Judges 6:10

Den I tell una sey, “Na mi bi una Oga and God. Una must nor woship Amor pipol gods; even doh una dey stay dia land naw.” But una nor gri listin to mi.’ ”