Nehemaya 1:9 - Holy Bible Nigerian Pidgin English

⁹ But if una turn back from una sin kom meet mi and do wetin I kommand una, I go bring una kom di place wey I don choose sey una go for woship mi, even doh una skata for evriwhere for dis world.’

Nehemaya 1:9 ပူးပေါင်းရင်းမြစ်များ

1 Kings 8:48

If dem really turn from sin kon pray to Yu for dat land as dem face dis town wey Yu give awa grand-grand papa dem (dis town wey Yu don choose and dis temple wey I build for Yu),

1 Kings 9:3

God tell am, “I don hear yor prayers. Dis temple wey yu build for mi, I don make am holy for mysef and na der dem go for woship mi forever. I go wosh and kare for am always.

1 Kronikles 16:35

Make una pray kon sey, ‘Awa Oga God, make Yu kom save us! Make Yu gada us kon save us from dis nashons! Den wi go tank and praiz yor name wey dey holy.’

Ezra 6:12

Make di God wey choose Jerusalem as di place where dem go for woship am ova-trow any king or nashon wey nor obey dis kommand or won try distroy di temple. Mi, Darius don kommand and una must obey my kommand go rish di end.

Psalms 106:47

Naw, my Oga God, make Yu kom save us! Make Yu gada us back from evriwhere wey wi skata go, so dat wi go tank yor holy name kon happy as wi dey praiz Yu.

Psalms 107:3

Bikos E don gada en pipol from many land; from east and west, nort and sout,

Psalms 147:2

God dey ribuild Jerusalem and E go bring en pipol kom back to Israel from di land where dem dey.

Isaya 11:12

God go raiz flag as sign for di pipol; E go gada dem togeda again with all en pipol wey skata for evriwhere for di eart.

Isaya 27:12

Di time dey kom wen God go shake di tree from Eufrates River go rish di rut for Egypt and just as farmer dey separate korn from dia kanda, na so too God go gada and separate en pipol one-by-one.

Isaya 56:8

God wey get pawa, wey bring Israel en pipol kom back from Babilon, don promise sey E go bring odas kon join dem too.

Jeremaya 12:15

Afta I don take dem komot dia land, I go sorry for dem kon bring each nashon kom back to en own land again.

Jeremaya 3:14

“Pipol wey nor dey faithful, make una kom back kom meet mi, bikos na mi get una. Among una, I go choose one pesin from each town and two pesin from each family, den bring una kom back to Mount Zion.

Jeremaya 31:10

All di nashon, make una hear wetin Oga God won tok, den una go-go tok about am for far land wey dey near di sea sey, “Just as shepad dey guide en sheep, na so too God wey skata en pipol, go gada and guide dem again.

Jeremaya 32:37

“I go gada all my pipol from di kountry where I skata dem put, bikos I bin dey vex and I go bring dem back to dis land, so dat dem go dey save.

Jeremaya 6:22

“God sey, ‘Si, sojas dey kom from one land for nort; one nashon wey dey far and dem dey ready to kom fight.

Ezekiel 14:6

“Naw, make yu tell Israel pipol wetin mi God wey get pawa dey tok: Make una turn back from una juju and from di yeye life wey una dey live.

Ezekiel 36:24

From evry tribe, kountries or towns wey una dey, I go bring una kom back to una house.

Levitikus 26:3

“If una keep my law and obey my kommand,

Zekaraya 8:7

God wey dey lead heaven sojas sey, “My pipol, make una dey sure sey I go save una from di land wey dey east and west.

Matiu 24:31

God go send en angels go blow loud trumpet and dem go gada di pipol wey E choose from evriwhere for di world.”

Deutronomi 12:21

If di place wey God choose sey una go woship am too far for una, una fit kill any of una animal wey E don give una, just as I kommand una; kon chop dem for una town as una like.

Deutronomi 12:5

but una must woship di Oga una God for where en ensef go choose from among all di tribes and na der una go for honor en name.

Deutronomi 30:1

I don give una choice to choose between di blessing and di curse. Wen all dis tins don happen to una and una dey stay for di nashons where di Oga una God skata una go, una go remember di choice wey I give una.