Nehemaya 1:6 - Holy Bible Nigerian Pidgin English

⁶ My Oga God, make Yu look mi kon hear my prayers for yor savants, Israel pipol, both for day and nite. I konfess sey wi, Israel pipol don sin. Wi and awa grand-grand papa dem don sin.

Nehemaya 1:6 ပူးပေါင်းရင်းမြစ်များ

1 Kings 8:30

Make Yu hear mi anytime wey I face dis temple dey pray. Make Yu hear and forgive us from where Yu dey for heaven.

1 Kings 8:47

make Yu still listin to yor pipol prayer. If dem turn kom meet Yu for dat land kon pray and konfess dia sin and di wiked tins wey dem don do, my Oga God, make Yu hear dia prayers.

2 Kronikles 28:10

But naw, una won turn Judah and Jerusalem pipol to una slave. Una nor know sey dat one na sin against God?

2 Kronikles 29:6

Awa papa dem nor obey God, dem do wiked tins against awa God kon turn from am. Dem leave and rijet God.

2 Kronikles 6:40

My God, make Yu dey listin and ansa all di prayers wey dem go pray to Yu from dis place.

Ezra 10:1

Wen Ezra dey pray, kry and konfess all dis sins for di temple front, many pipol, both men, wimen and shidren stand round kon join am dey kry.

Ezra 10:11

Naw, make una konfess una sins give di Oga wey bi una grand-grand papa God kon start to do wetin go make belle sweet am. Make una separate unasef from doz strenjas wey dey for awa land and drive all una wife wey nor kom from Israel tribe.”

Nehemaya 1:11

Make Yu listin to di prayers wey mi and yor savants wey dey honor Yu, dey pray. Make Yu help mi today, so dat di king go sorry for mi.” For dat time, na mi dey serve di king wine.

Psalms 102:17

Pipol wey dey sofa, E go listin to dia prayers. E nor go rijet dem wen dem dey beg am.

Psalms 106:6

Wi don sin like awa grand-grand papa. Wi don do plenty bad tins! Wi don do wiked tins well-well!

Psalms 130:2

My Oga God, make Yu listin and hear mi as I dey kry for mesi!

Psalms 32:5

So, I konfess all my sins kon stop to hide all di bad tins wey I dey do. I tell mysef sey, “I go konfess my sins to God.” And E really forgive mi!

Psalms 34:15

Pipol wey dey do wetin dey rite, God eye nor dey komot from dia body and en ear dey open to hear wen dem kry for help.

Psalms 55:17

For morning, aftanoon and nite, I dey kry with pain and God hear my vois.

Psalms 88:1

My Oga God wey dey save mi. For day time, I dey kry give Yu and I still dey pray to Yu for nite.

Isaya 6:5

I kon sey, “My own don finish, bikos evry word wey dey komot from my mout, na sin full am and I dey stay with pipol wey all dia words na sin and naw, I don use my eyes si Oga God wey bi di king wey get pawa.”

Lamentashons 5:7

Na awa grand-grand papa dem sin and dem don die, but naw, wi dey sofa dia ponishment.

Daniel 9:15

“Naw, awa God, na Yu take yor pipol komot from Egypt with yor mighty pawa kon make name for yorsef wey dem nor fit forget forever. Wi don sin and wi dey bihave like wiked pipol.

Daniel 9:20

As I still dey pray, dey konfess and beg God make E forgive mi and Israel pipol sin kon sorry for en holy temple,

Daniel 9:4

I pray to God kon konfess all di bad tins wey wi don do sey: “God! Yu get pawa well-well and wi dey honor Yu. Yu dey keep yor promise and Yu love pipol wey love and dey obey Yu.

Daniel 9:5

Wi don sin! Wi wiked well-well and wi dey do bad tins. Wi nor dey do wetin Yu kommand and wi don turn from yor korrect way.

Daniel 9:8

My God! Wi dey sofa like dis, bikos awa king, rulers and grand-grand papa, don sin against Yu.

Luke 18:7

una nor tink sey God go help en pipol wey dey kry to am both day and nite? Abi, God go wait tey before E help dem?

Luke 2:37

E don rish eighty-four years since en husband die. E nor dey komot for di temple, e dey serve God and dey fast and pray day and nite.

Efesians 2:3

All of us dey live dis kind life before. Wi dey do difren tins wey awa body and mind wont. Dat time, wi bi shidren wey God won ponish like oda sinnas.

1 Timoti 5:5

Naw, woman wey en husband don die and e really dey alone for dis world, dey trust God. E dey pray for nite and day sey make God help am.

2 Timoti 1:3

Anytime I remember yu for my prayer, weda na for nite or day time, I dey always tank God wey I dey serve with betta mind, just as my grand-grand papa dem serve am.

1 John 1:9

But if wi konfess awa sin to am, e go forgive us kon wosh evritin wey nor good for God eye komot from awa life, bikos Christ dey always do wetin e sey e go do, since e dey raitious.

1 Samuel 15:11

“I dey regret sey I make Saul king, bikos e don turn from mi and e nor do wetin I sey make e do.” Samuel kon vex well-well and e pray to God till day break.