Nehemaya 1:5 - Holy Bible Nigerian Pidgin English

⁵ “Oga God for heaven! Yu big well-well and wi dey fear Yu. God wey keep en promise with doz wey love and dey do wetin E kommand.

Nehemaya 1:5 ပူးပေါင်းရင်းမြစ်များ

1 Kings 8:23

kon pray, “Di Oga wey bi Israel pipol God; e nor get any god wey bi like Yu for heaven or for eart! Yu do wetin Yu promise yor pipol kon show dem yor love, bikos dem obey Yu with dia whole heart.

1 Kronikles 17:21

No kountry for dis world bi like Israel pipol wey Yu save from doz wey opress dem kon make dem yor pipol. Di big tins wey Yu do for dem, don make pipol know yor name for di whole world. Yu save yor pipol from Egypt kon drive oda pipol komot from di land for dem.

Ezra 1:2

Dis na wetin King Cyrus for Persia tok, Di Oga God for heaven don make mi rule di whole world and E sey make I build temple for am for Jerusalem wey dey Judah.

Nehemaya 2:4

Den di king ask, “Na wetin yu wont naw?” So I kwik-kwik pray to God wey dey heaven,

Nehemaya 4:14

I si sey di pipol dey worry, so I kon tell dem, dia ofisas and dia leaders sey, “Make una nor fear awa enemies. Make una remember how great and mighty God bi, den make una fight for una brodas, shidren, wifes and una house.”

Nehemaya 4:8

So, dem plan to attack and kause wahala for Jerusalem.

Nehemaya 9:32

Naw, awa God, di One wey dey great, get pawa and dey mighty, di Pesin wey dey keep en kovenant of love wey nor dey fail, make Yu help us as wi dey sofa. Bikos from di time wey Assyria kings first win us kom rish naw, na sofa wi dey sofa: wi and awa kings, leaders, priests, profets, grand-grand papa dem and all awa pipol.

Psalms 47:2

Bikos di Most High dey good! Na-im bi di great King for di whole eart.

Psalms 76:8

Na from heaven Yu dey judge yor enemies; di eart dey shake and dem dey kwayet for yor present.

Psalms 89:2

Yor love wey nor dey fail go last forever. Yor goodness dey forever like di heavens.

Psalms 89:3

God sey, “I don make kovenant with David, my savant wey I choose. I don promise am sey:

Psalms 89:8

My Oga God wey dey rule evriwhere! Nobody dey strong like Yu, bikos Yu always dey do good.

Exodus 20:6

But I go show my love to many generashon, bikos dem love and keep my kommand.

Deutronomi 7:12

If una listin to dis rules kon obey dem with all una heart, di Oga una God go really keep en kovenant wey E promise una grand-grand papa.

Deutronomi 7:21

So make una nor fear doz kountries, bikos di Oga una God dey with una and E bi God wey dey great and wonderful.

Deutronomi 7:9

So make una undastand sey, di Oga una God na en really bi God. Na en bi di God wey dey keep en kovenant for tazon generashon kon dey show en love wey nor dey end to doz wey love and dey obey en kommand.