Nehemaya 1:11 - Holy Bible Nigerian Pidgin English

¹¹ Make Yu listin to di prayers wey mi and yor savants wey dey honor Yu, dey pray. Make Yu help mi today, so dat di king go sorry for mi.” For dat time, na mi dey serve di king wine.

Nehemaya 1:11 ပူးပေါင်းရင်းမြစ်များ

Jenesis 24:42

“Wen I rish di well today, I kon pray sey, ‘My Oga wey bi my oga Abraham God, if Yu know sey Yu go make my journey well, make evritin happen as dem suppose bi.’

Jenesis 32:11

Abeg, make Yu save mi from Esau my broda; bikos I dey fear sey e fit kom attack mi, my wifes and my shidren.

Jenesis 32:28

Den di man sey, “Dem nor go koll yu Jakob again, but from today go, na Israel dem go dey koll yu, bikos yu don fight with God and man and yu don win.”

Jenesis 40:1

Afta all dis tins don happen, di pesin wey dey serve wine for Egypt king and di pesin wey dey bake en bread kon make am vex.

Jenesis 40:2

Fero wey bi king, vex well-well for en two ofisas

Jenesis 40:21

Di one wey dey serve wine, Fero gi-am en work back.

Jenesis 40:23

But di man wey dey serve wine nor remember Josef again and e kon forget am.

Jenesis 41:9

Den di man wey dey serve wine for Fero kon tell am, “Na today I know sey I don sin.

Jenesis 43:14

Make di God wey get pawa give una mesi for di man front, so dat e go release Simeon and Benjamin! But for mi, if I luz my shidren, I luz dem bi dat.”

2 Kronikles 6:40

My God, make Yu dey listin and ansa all di prayers wey dem go pray to Yu from dis place.

Ezra 1:1

For di first year wey King Cyrus for Persia dey rule, God make wetin E tok thru Profet Jeremaya happen. E make King Cyrus rite, send and read dis kommand for evriwhere for en kingdom, so dat evribody go hear:

Ezra 7:6

Ezra go skool and e know di law wey di Oga wey bi Israel God give Moses, well-well. Bikos God dey with Ezra, di king dey gi-am evritin wey e ask for.

Nehemaya 1:6

My Oga God, make Yu look mi kon hear my prayers for yor savants, Israel pipol, both for day and nite. I konfess sey wi, Israel pipol don sin. Wi and awa grand-grand papa dem don sin.

Nehemaya 2:1

Den for Nisan mont for di twenteth year wen King Atazazes dey rule. As e dey chop, I go gi-am wine and bikos e neva si my face like dat before,

Nehemaya 2:8

I still ask di king make e give mi leta wey I go give Asaf wey dey guide di royal forest, so dat e go give mi big-big woods make I take build di guide gate for di temple, di town wall and di house wey I go stay. So di king give mi all wetin I wont, bikos God dey with mi.

Psalms 106:46

So dia enemies wey bi dia oga, God kon make dem trit Israel pipol well.

Psalms 130:2

My Oga God, make Yu listin and hear mi as I dey kry for mesi!

Psalms 61:5

Yu know wetin I promise and Yu don give mi di reward wey Yu dey give pipol wey dey obey Yu.

Psalms 86:6

So my God, make Yu listin well-well to my prayers; make Yu kwik-kwik hear mi as I dey kry for help.

Proverbs 1:29

Una nor ever get wetin to do with wisdom and una nor gri obey God.

Proverbs 21:1

Evry king heart dey God hand; just as E dey show river how e go take flow, na so too E dey kontrol kings mind.

Jeremaya 42:12

I go show una mesi. So, I go make am sorry for una kon allow una go back to una own land. Mi, wey bi God, don tok.’

Malakai 3:16

Den di pipol wey dey fear God kon tok to each oda and God listin and hear wetin dem tok. For God present, all doz wey dey fear and respet en name, dem kon rite dia name put for one book so dat God go remember dem.

Hibru 13:18

Make una pray for us, bikos wi dey sure sey awa mind klean and wi won live awa life for di korrect way.