Nahum 3:13 - Holy Bible Nigerian Pidgin English

¹³ Una sojas weak like woman wey nor get who to help am. Dem go open una town gate for una enemies and dem go put fire kon burn am rish groun.

Nahum 3:13 ပူးပေါင်းရင်းမြစ်များ

Psalms 107:16

bikos E break di prison gate wey dem make with bronze kon kut all di bars wey dem make with iron.

Psalms 147:13

Bikos E don make di iron for una gate strong kon bless all una shidren.

Isaya 19:16

For dat time, Egypt pipol go bi like wimen. Dem go shake dey fear bikos Oga God wey dey lead heaven sojas don dey ready to ponish dem.

Jeremaya 50:36

Dem go distroy en profets wey dey lie and pipol go si dem as fools! En sojas go dey die and fear go turn dem to mumu.

Jeremaya 50:37

Dem go distroy en horse and shariot. Sojas wey dem hire from oda land, go dey fear and dem go weak like woman. All dia betta-betta tins go skata and pipol go tif and karry di ones wey remain.

Jeremaya 51:30

Babilon sojas don stop to fight and dem dey for dia tent. Dem nor get hope again and dem don weak like woman. Dem don break di town gate for groun kon burn all di house with fire.

Obadaya 1:9

“Doz strong sojas from Teman go fear and dem go kill evribody wey dey Edom mountin.”

Nahum 2:6

Dem don skata and open di river gate! Di palis go soon fall!

Nahum 2:7

Dem don disgrace and karry Nineveh pipol go anoda land. Dem don drag dia kween go. En girls savant dey mourn for am; dem dey kry like dove kon dey nak dia chest.

Nahum 3:15

But know matter wetin una do, fire go still kill una; una enemies go kill una like lokust. Dem go kill evritin wey dem si and una nor go fit eskape, even if una plenty like many lokust.