Nahum 2:1 - Holy Bible Nigerian Pidgin English

¹ Nineveh pipol, somebody dey kom attack and skata una land. So, make una guide una town well-well and wosh una road too! Make una dey strong and ready to fight!

Nahum 2:1 ပူးပေါင်းရင်းမြစ်များ

2 Kronikles 25:8

Even if yu fight well for di war, God go make yor enemies win yu. Na only God get di pawa to help and fight for pesin.”

Psalms 50:14

So make tanksgivin bi una sakrifice to God, den make una keep di promise wey una make to di Most High.

Psalms 65:2

Bikos Yu hear and ansa awa prayers; so evribody go kom meet Yu.

Isaya 14:6

Dem vex skata and kill pipol for oda kountries and dem nor dey taya. Dem vex rule oda kountries as dem like kon dey opress di pipol and e nor taya dem.

Isaya 29:7

E go bi like dream; like vishon for nite. Wahala go dey for all di pipol wey dey fight and disturb God town.

Isaya 29:8

E go bi like man wey dey hongry, wey dream sey e dey chop, but wen e wake-up, e si sey en belle still empty. E go bi like man wey dey hongry for wota kon dey dream sey e dey drink, but wen e wake-up, e si sey wota still dey hongry am well-well. Na so e go bi for all di pipol wey dey fight and disturb Mount Zion.

Isaya 52:7

Si as e dey good to si messenja wey dey kom give una peace and good news from di mountins! E dey announce sey una don win kon tell Zion pipol sey, “Una God na king!”

Jeremaya 25:9

‘I go koll di pipol wey dey nort and my savant King Nebukadnezzar for Babilon and dem go kom fight against Judah pipol and di towns wey dey round Jerusalem. I go distroy and skata dis nashon and di ones wey dey round am, forever. I go make pipol si and dey fear dem.

Jeremaya 50:23

Before, Babilon pipol skata di whole world. But naw, dat hammer wey dem use, don skata. Pipol shok as dem si wetin happen to di kountry.