Nahum 1:6 - Holy Bible Nigerian Pidgin English

⁶ Na who fit stand wen God dey vex? Who fit survive en vexnashon wey bi like hot fire? En vexnashon dey burn like fire and mountins dey skata to pieces for en present.

Nahum 1:6 ပူးပေါင်းရင်းမြစ်များ

1 Kings 19:11

God tell am, “Make yu go stand for my front for di mountin. Si! God dey ready to waka pass.” God send one strong breeze go shake di hills and di rocks, but God nor dey inside di breeze. Afta di breeze stop, di groun kon dey shake and swallow tins, but God nor dey inside.

Job 26:11

As God tok, di pila wey hold di sky kon dey shake with fear.

Job 40:11

Look pipol wey tink sey dem dey important, den go honbol dem, bikos yu dey vex.

Job 9:5

E dey move mountins anytime E wont kon skata dem with vexnashon.

Psalms 130:3

If to sey Yu, my God won kount all di sins wey pesin kommit, den na who go fit stand before Yu?

Psalms 2:12

Make una dey respet God well-well or E go fit vex kon distroy una at wons, bikos of di way una dey bihave. But na blessing dey follow doz wey si am as dia Oga God!

Psalms 76:7

No wonder dem dey fear Yu well-well! Na who fit stand for yor front wen Yu dey vex?

Psalms 76:8

Na from heaven Yu dey judge yor enemies; di eart dey shake and dem dey kwayet for yor present.

Psalms 90:11

So na who go fit know as Yu dey vex rish? Yor vexnashon strong well-well and e dey make us fear Yu.

Isaya 10:16

Bikos of dis, Oga God wey get pawa go ponish en pipol with sickness. Yes! En glory go-go up like smoke.

Isaya 13:13

For di day wey mi, God wey get pawa go show my vexnashon, I go shake di heavens and di eart go shake komot from where e dey.

Isaya 27:4

I nor dey vex for di vineyard again. If enemies won attack my pipol, I go mash go fight and burn dem with fire.

Isaya 33:14

Zion pipol wey dey sin, dey fear! Pipol wey nor dey fear God, dey shake. Dem sey, “E get any one of us wey fit survive dat kind fire?”

Isaya 66:15

God go kom with fire. E go ride kom with di kloud kon ponish doz wey E dey vex for.

Jeremaya 10:10

But na only Yu Oga, bi di true God. Di God wey dey alive and Yu go rule forever. Anytime Yu dey vex, di world dey shake and nobody fit stand wen Yu dey vex.

Jeremaya 21:12

“Make una listin to wetin mi wey bi God dey tok. Make una make sure sey dem dey always give korrect judgement for kourt. Make una protet pesin wey dem dey opress from who dey opress am and bikos of di bad tins wey una dey do, my vexnashon go burn una like fire wey nor dey kwensh.

Lamentashons 2:3

E vex distroy Israel pipol pawa; E nor gri help Israel wen dia enemies kom attack dem. Just as fire dey distroy tins, na so too E distroy Israel land.

Lamentashons 2:4

E set arrow kon shot us like sey wi bi en enemies. Yes, en rite hand dey ready to shot. E kill us with awa strong men kon pour en vexnashon like fire for Zion head.

Lamentashons 4:11

But naw, God don pour en vexnashon finish. E don send fire kon burn Jerusalem town rish groun.

Ezekiel 21:31

Una go feel my vexnashon like hot fire. And I go give una to wiked men wey sabi distroy tins.

Ezekiel 30:16

I go burn Egypt town and evribody for Pelusium go dey kry with pain. I go break Tebes wall rish groun kon kover di town with wota.

Ezekiel 39:6

“I go set fire put for Magog land and land near di river where pipol dey stay for peace. Den evribody go know sey na mi bi God.

Ezekiel 7:8

E nor go tey before una go feel as my vexnashon strong rish. I go judge una akordin to wetin una do and I go pay una back for all di wiked tins wey una do.

Nahum 1:2

Oga God dey jealous well-well; E dey ponish doz wey dey oppoz am and E dey fight against en enemies!

Zefanaya 2:2

Make una gada before judgement go start; before una time to turn from sin kom meet God go pass, just like wen breeze blow leaf trowey. Make una do di rite tin naw, before God vexnashon go fall on-top una and before en judgement go start.

Malakai 3:2

But who go fit bear di day wen E go kom? Who go fit survive wen E go appear? Bikos E go bi like strong soap wey dey spoil klot and like fire wey dey melt iron.

Malakai 4:1

Oga God sey, “True-true, Judgement day dey kom; e go kom like strong fire. All doz sturbon and wiked pipol go fall and dat day dem go burn die. Both dia rut and branches go burn finish.

Revelashon 16:1

Den I hear one loud vois dey tok to di angels from di temple sey: “Di seven basins wey God vexnashon dey, make una go pour dem for di eart.”

Revelashon 16:8

Den di fourt angel pour wetin dey en basin put for di sun and di sun kon dey shine with heat wey bi like fire,

Revelashon 6:17

Bikos di day to ponish dem, don kom and nobody go survive am.