Nahum 1:2 - Holy Bible Nigerian Pidgin English

² Oga God dey jealous well-well; E dey ponish doz wey dey oppoz am and E dey fight against en enemies!

Nahum 1:2 ပူးပေါင်းရင်းမြစ်များ

Job 20:23

Make God feed dem beleful with trobol. Make God pour in vexnashon for dia head like evening rain dey fall.

Psalms 94:1

My Oga wey dey fight for pipol. Di God wey dey take revensh, make Yu show us yor glory!

Exodus 20:5

Make una nor bow or serve dem, bikos na mi bi di Oga una God and I dey jealous well-well. I bi God wey dey ponish shidren and dia shidren-shidren, bikos dia papa Rijet mi.

Exodus 34:14

Una must nor woship any oda god, bikos di Oga God wey en name na Jealousy, na God wey dey really jealous.

Exodus 34:7

I dey keep my promise to tazon generashons. I dey forgive evil and sins. But I nor go fail to ponish wiked pipol with dia shidren-shidren. I go ponish di third and fourt generashon, bikos of wetin dia papa do naw.”

Isaya 42:13

God dey go fight war like strong soja; E dey ready to fight. E go shaut. Yes! E go shaut for war kon distroy and win en enemies.

Isaya 51:17

Jerusalem, make una wake-up! Make una karry unasef up! Una don drink from di ponishment cup wey God give una, bikos E dey vex. Una drink am and e dey make una stagga.

Isaya 51:20

Una shidren dey fall and faint street, bikos dem don weak; dem bi like animal wey hunta net katch. Dem don si how God vexnashon dey bi.

Isaya 66:15

God go kom with fire. E go ride kom with di kloud kon ponish doz wey E dey vex for.

Jeremaya 25:15

Oga wey bi Israel God tell mi, “Make yu take dis wine cup wey my vexnashon full and make all di nashons wey I send yu go meet, drink from am.

Jeremaya 28:8

‘Before-before, di profet wey tok before mi and yor time, don sey: “War, honga and diziz go kom many nashon and kingdom wey get pawa.” ’

Jeremaya 3:5

Yu go vex and forget us forever?’ All dis na wetin una dey tok, but una still dey do di bad-bad tins wey dey una mind.”

Jeremaya 36:7

May bi, den dem go pray give God kon shange from di bad tins wey dem dey do, bikos God don treaten dem with en vexnashon and fire.”

Jeremaya 4:4

Make una keep di kovenant wey una make with mi wey bi una God kon dedikate unasef to mi. If una nor do am and una kontinue di bad tins wey una dey do, my vexnashon go burn una like fire. E go burn well-well and nobody go fit kwensh am.”

Jeremaya 50:15

Make una shaut for war for evriwhere for di town! Den, Babilon pipol go surenda. Dem go skata di town wall, bikos mi wey bi God, dey take revensh. So make una trit am, just as e trit odas.

Lamentashons 4:11

But naw, God don pour en vexnashon finish. E don send fire kon burn Jerusalem town rish groun.

Ezekiel 36:6

“So, make yu profesai about Israel land kon tell di mountins, hills, rivers and valleys sey, ‘God wey get pawa sey: Di way di oda kountries trit una, dey make mi vex.’

Ezekiel 38:18

God wey get pawa sey, “Wen Gog go attack Israel, I go vex well-well.

Ezekiel 38:19

I go vex kon sey, ‘For dat day, many eartkweke go happen for Israel.

Ezekiel 39:25

God wey get pawa sey, “But naw, I go sorry for Jakob shidren wey bi Israel pipol kon make dem prosper again. Yes! I go guide my holy name.

Ezekiel 5:13

So my vexnashon go end and my ponishment go rest for dia head, den I go dey okay. Wen all dis tins don happen, una go si, undastand and know sey na mi God, tok to una.

Ezekiel 6:12

Doz wey dey stay far, na sickness go kill dem; doz wey dey here go die for war; doz wey survive, na honga go kill dem. Dem go feel how my vexnashon strong rish.

Ezekiel 8:18

So, dem go feel my strong vexnashon. I nor go sorry or pity for dem. Dem go shaut well-well as dem dey pray give mi, but I nor go ansa or listin to dem.”

Joel 2:18

Den God go sorry for di land kon pity for en pipol.

Levitikus 26:28

I go turn against una. Bikos I dey vex, di ponishment wey I go give una go bad seven times pass di ones wey I give una before.

Mikah 5:15

I go revensh and ponish all di nashons wey nor gri obey mi.”

Mikah 7:18

E nor get anoda god like Yu; Yu dey forgive yor pipol wey survive. Yu nor dey vex forever, instead, Yu dey happy to show yor pipol yor love wey nor dey end.

Zekaraya 1:14

So di angel kon tell mi, “Make yu go tell evribody wetin God tok, ‘I love and dey koncern about Jerusalem and Zion wey bi my holy town,

Zekaraya 8:2

“Dis na wetin God wey dey lead heaven soja tok: ‘I dey always like to bless Zion, bikos of di strong love wey I get for en pipol and na dis love dey make mi vex for dia enemies.’ ”

Nombas 25:11

“Finehas wey Eleazar born, wey bi Aaron di priest grand-pikin don remove my vexnashon from Israel pipol, wen e do dat tin wey e do and naim make mi nor distroy dem wen I dey vex.

Romans 12:19

Make una nor try to pay anybody for di bad tin wey dem do una, but make una leave am for God, bikos God word sey, “Na mi go revensh for una. I go pay dem back.”

Romans 13:4

Bikos all rulers na God savant and na dia duty to help una. If una do bad, den make una fear, bikos dis rulers get pawa to ponish una. Dem bi God savants wey dey ponish doz wey do bad tins.

Deutronomi 4:24

Di Oga una God na strong fire wey dey burn anytin and E dey jealous well-well.

Deutronomi 7:10

But E nor dey waste time to ponish and distroy doz wey rijet am.

Hibru 10:30

Bikos God sey, “I go revensh, I go pay dem back” and en word still sey, “God go judge en pipol.”

Joshua 24:19

Joshua kon warn di pipol, “Una nor go fit dey woship God as E wont, bikos E dey holy. E dey jealous and E nor go forgive una if una turn from am kon sin.

2 Pita 2:9

If God do all dis tins, den E know how to save en pipol from trobol kon tie wiked pipol keep, so dat E go ponish dem wen E go judge di world.