Mikah 7:6 - Holy Bible Nigerian Pidgin English

⁶ Bikos boy pikin go rijet en papa and na so too girl pikin go rijet en mama. Wife go sey e nor know en husband mama and una enemy, go bi una family memba!

Mikah 7:6 ပူးပေါင်းရင်းမြစ်များ

Jenesis 49:4

But yu dey skata tins like wota, so yu nor go prosper, bikos yu sleep with yor papa wife for my bed!

2 Samuel 16:11

David tell Abishai and all en ofisas, “My own pikin one kill mi, so why una dey sopraiz for dis man wey kom from Benjamin tribe? Na God tell am make e curse mi, so make una leave am make e dey curse.

Psalms 41:9

Even my best friend, di one wey I trust with evritin; pesin wey wi dey chop togeda, don turn against mi.

Proverbs 30:11

“Some pipol dey curse dia papa and some nor dey tank dia mama.

Proverbs 30:17

“Di mout wey dey laf en papa and nor dey obey en mama kommand, bird from valley go plok am komot and vulture go chop am finish.

Isaya 3:5

Dem go dey fight each oda; Men go oppoz each oda and neighbours go fight against dia neighbour. Yong pipol nor go respet dia senior and foolish pipol go dey curse doz wey dem bin dey respet.”

Isaya 9:19

Bikos God wey get pawa dey vex, en ponishment dey burn di land like fire and E dey distroy di pipol and dem nor dey sorry for each oda.

Jeremaya 12:6

Even yor own brodas and family dey against yu; dem don join doz wey won kill yu. Make yu nor trust dem, even doh dem dey trit yu well.”

Jeremaya 20:10

I hear as pipol dey gossip mi. Dem dey koll mi, “Di Man Wey Fear One Kill.” Dem dey treaten sey, “If yu tok anytin here, wi go ripot yu.” Even my friends before, dey look and dey wait make I fall. Dem dey sey, “E go fall enter di trap, den wi go know sey wi don revensh am back.”

Jeremaya 9:4

Make evribody dey kareful of en friends and make yu nor trust yor broda, bikos even broda dey shit en broda. And friends dey lie against each oda well-well.

Ezekiel 22:7

Nobody for di town dey respet dia papa or mama again. Una dey shit strenjas; wimen wey dia husband don die and shidren wey nor get papa and mama again.

Obadaya 1:7

Doz wey dey help una go turn against una. Dem go help una enemies porshu una komot from una land. Even doh dem dey plan to deceive and distroy una, dem go promise una peace. Una friends wey una trust pass, go set trap for una and una nor go even know.

Matiu 10:21

“Broda go sell en own broda give pipol make dem kill-am and na so papa go sell en own pikin too. Shidren go fight and kill dia papa and mama.

Matiu 26:23

Jesus ansa dem, “Di pesin wey go put hand inside plate with mi, na-im go sell mi.

Luke 12:53

Papa go dey against en son and son go dey against en papa, mama go dey against en dota and dota go dey against en mama, husband mama go dey against en pikin wife and wife go dey against en husband mama.”

Luke 21:16

Una papa, mama, brodas, rilashons and friends go sey dem nor know una and dem go even kill some of una.

John 13:18

“Wetin I dey tok so nor koncern all of una, bikos I know di pipol wey I choose. Dis show sey God word na true sey, ‘Di pesin wey follow mi chop don turn to my enemy.’