Mikah 7:19 - Holy Bible Nigerian Pidgin English

¹⁹ Yes! Yu go sorry for yor pipol. Awa sins go dey under yor leg and Yu go trow dem go under di sea!

Mikah 7:19 ပူးပေါင်းရင်းမြစ်များ

2 Samuel 24:14

David ansa, “I dey for bad kondishon, but I nor wont make men ponish mi, instead make only God ponish us, bikos E get mesi.”

Psalms 103:12

Just as east far from west, na so too E make awa sins far from us.

Psalms 130:8

E go diliver Israel pipol from di wahala wey dem dey face, bikos of dia sins.

Psalms 85:3

Yu nor dey vex for dem again and Yu nor show dem yor vexnashon.

Isaya 33:24

Nobody for Zion go sey, “I know well or I dey sick”, di pipol wey dey der, God go forgive dem dia sins.

Isaya 38:17

Di pain wey I go thru na for my own good. Yu save my life from all di wahala kon forgive mi my sins.

Isaya 43:25

But na mi wey bi God still dey forgive una sins and I do all dis tins, bikos of who I bi! I nor go kount una sins against una.

Jeremaya 31:20

So God ansa, “Israel, una bi my shidren wey I love well-well. I dey always tink of una with love wen ever I remember una name. Una dey for my heart and I go really sorry for una.

Jeremaya 31:34

“Pipol nor go nid to tish each oda about how to know God, bikos evribody go know mi; both doz wey poor and doz wey get money. I go forgive dia sins and I nor go remember di bad tins wey dem do before. Mi, wey bi God, don tok.”

Jeremaya 33:8

I go forgive dem dia sin. Yes! I go forgive dem all di sin wey make dem go against my kommand.

Jeremaya 50:20

Wen dat time rish, sin nor go dey for Israel land again and wikedness nor go dey Judah, bikos I go forgive doz wey I save dia life. Mi, wey bi God, don tok.”

Lamentashons 3:22

God faithful love nor dey end! And en mesi nor dey finish.

Lamentashons 3:32

Even doh sey E dey make us sofa naw, E still dey sorry for us, bikos en great love for us nor dey end.

Ezekiel 18:22

God go forgi-am all en sin and e go get life, bikos e do di rite tin.”

Ezekiel 39:29

I go pour my Spirit put for Israel pipol body and I nor go leave dem again. Mi, God wey get pawa, don tok.”

Daniel 9:24

“God don set seventy weeks as di time wen E go take free yor pipol kon ribuild en temple. Una dey sofa, bikos of all di evil and wiked tins wey una do. Afta, E go forgive una sins and judge una well forever, so dat wetin E tok, go happen. Den E go anoint di holy temple again.

Hosea 14:2

Make una turn kom meet God and pray to am sey: “Make Yu forgive us awa sin kon asept awa prayers, so dat wi go praiz Yu.

Hosea 14:4

So God ansa, “I go bring my pipol kom back to mi. I go love dem with all my heart and I nor go vex for dem again.

Zekaraya 3:4

Den di angel tell doz wey stand near am, “Make una pul di dirty klot wey dis man wear so, komot from en body.” Den e tell Joshua, “I don forgive yu all yor sins and naw, I go give yu new klot make yu wear.”

Romans 6:14

Sin nor go fit kontrol una, bikos una nor dey under di law again, but na God grace dey kontrol una naw.

Romans 8:13

Bikos if una dey follow sin, una go die. But di Spirit pawa go kill all di bad tins wey una dey do, so dat una go get life.

Deutronomi 30:3

den di Oga una God go sorry for una. E go bring una kom back from di kountries wey E bin skata una go kon make una prosper again.

Deutronomi 30:6

Di Oga una God go sekonsaiz una and una shidren heart by ensef, so dat una go love am with all una heart and soul, den una go get betta life.

Deutronomi 32:36

God go judge en pipol and E go shange en plan about en savant; wen E si sey dia pawa don vanish and nobody remain again, weda na slave or free pesin.

Titus 2:14

E die for us, so dat e go free and klean us from wikedness kon turn us to en own pipol wey like to do good tins.

Hibru 8:12

I go forgive dem for all di wiked tins wey dem don do and I nor go remember dia sins again.”

1 John 3:8

But pesin wey dey like to sin, na devil pikin, bikos devil dey sin from di biginnin. Na dis one make God Pikin kom dis world, so dat e go skata all di work wey devil dey do.