Mikah 4:10 - Holy Bible Nigerian Pidgin English

¹⁰ Jerusalem pipol, make una shaut and kry like woman wey won born, bikos dem must karry una go Babilon as slave. But God go save una for der; E go save una from una enemies hand.

Mikah 4:10 ပူးပေါင်းရင်းမြစ်များ

2 Kings 20:18

‘Dem go karry some of yor own shidren go Babilon go bi priest for di king palis.’ ”

2 Kings 25:4

di enemies break enter di town and all Israel sojas kon dey find where dem go run go. Dem run komot from di town for nite. Dem pass di gate wey dey di two wall for di king gardin, bikos Babilon men dey evriwhere for di town. So dem kon run dey go Jordan River Valley.

2 Kronikles 33:11

So God kon allow di oga for Assyria sojas attack Judah. Dem seize Manasseh, hook en nose, tie am with bronze shains kon karry am go Babilon.

2 Kronikles 36:20

Di king karry all di pipol wey e nor kill go Babilon as slave and dem serve en and en shidren till Persia kingdom start to reign.

2 Kronikles 36:23

Wetin dem rite na: “King Cyrus for Persia sey: ‘Di Oga God wey dey heaven don give mi all di kingdoms for di world. E don choose mi to build temple for am for Jerusalem wey dey Judah. Naw, make all of una wey bi God pipol go back and di Oga una God go dey with una.’ ”

Psalms 106:10

and E save dem from dia enemies kon diliver dem from pipol wey won kill dem.

Isaya 43:14

Israel God wey dey holy, wey save una sey, “Bikos of una, I send sojas go Babilon kon break di town gate and di pipol happiness kon turn kry.

Isaya 45:13

I go make Cyrus take akshon, I go make all en road strait. E go ribuild my town kon free my pipol wey dem karry go anoda land and nobody go pay or bribe am.” Dis na wetin God tok.

Isaya 48:20

So naw, make una komot from Babilon, make una run komot from der! Make una shaut with joy as una dey tok about am. Make una tell evribody for di world sey, ‘God don save Jakob en savant.’

Jeremaya 13:4

“Di short nika wey yu buy and wear so, pul and take am go Perat. Dig and hide am for one hole wey dey di rock near Eufrates River.”

Jeremaya 15:21

I go save yu from wiked pipol and doz wey like trobol.” Mi, wey bi God, don tok.

Jeremaya 29:20

All of una wey I send go Babilon as prisonas, make una listin to wetin mi wey bi God dey tok.’

Jeremaya 4:31

I hear kry, like woman wey won born; shaut like woman wey dey born en first pikin. Jerusalem pipol dey find as dem go take breath and naw, dem dey kry sey, “Make una help us! Bikos na die wi dey so o-o!”

Jeremaya 48:41

and dem go seize di town and all en strong building. For dat day, Moab sojas go dey fear like woman wey won born.

Jeremaya 52:27

So Babilon king kill all of dem for Riblah wey dey Hamat land. So dem karry Judah pipol komot from dia own land go Babilon.

Hosea 1:10

But di time dey kom wen Israel pipol go plenty like san-san for sea wey nobody fit kount or measure. Aldo God dey sey, “Una nor bi my pipol,” but di day dey kom wen God go sey, “God wey nor dey die, na-im bi una papa!”

Hosea 13:13

Israel get shance to live, but dem too dey foolish to si am; just like pikin wey dem just one born, wey nor gri kom out from en mama belle.

Hosea 2:14

I go karry am go wildaness kon make am turn kom meet mi with di sweet-sweet words wey I go tell am.

Mikah 5:2

But yu, Betlehem Efrat yu bi one small town for Judah. But na from yu di pesin wey go rule Israel go from kom and en family dey among Israel pipol since.

Mikah 5:3

God go give Israel pipol to dia enemies until di woman wey dey labor go born. Den en own kountry pipol go kom back to dia land from Babilon.

Revelashon 12:14

But dem give di woman two feada like eagle own, so dat e go fly go di place where dem prepare for am for wildaness. For der, dem go kare for am kon protet am from di dragon for three and half years.