Mikah 3:7 - Holy Bible Nigerian Pidgin English

⁷ Den shame and disgrace go follow una pipol wey dey si vishon. Una go kover una face, bikos God nor go ansa una.”

Mikah 3:7 ပူးပေါင်းရင်းမြစ်များ

Psalms 74:9

Naw, wi nor dey si yor mirakles again. All di profets don die and nobody fit tell us wen dis wahala go end.

Exodus 9:11

Di juju-men nor fit stand for where Moses dey, bikos of di boil wey full dia body and Egypt pipol own.

Isaya 44:25

Na mi dey fool pipol wey dey si vishon kon make dia work taya dem. I dey shange wise pipol advise to anoda tin kon turn dia wisdom to foolishness.

Jeremaya 18:18

Den di pipol sey, “Make una kom, make wi do sometin about dis Jeremaya! Wi go always get priest wey go dey to tell us wetin wi go do; wise pipol go dey wey go advise us and wi go always get profet wey go prish God word give us. So make wi lie against am kon stop to listin to anytin wey e tok.”

Ezekiel 24:17

Nor let pipol hear yu kry. Nor skrape yu head or waka with ordinary leg like sey yu dey mourn. Nor kover yor face or chop di kind food wey pipol wey dey mourn dey chop.”

Ezekiel 24:22

Den una go do wetin I don do so. Una nor go kover una face or chop food wey pipol wey dey mourn dey chop.

Levitikus 13:45

“As for di pesin wey get di diziz, dem must tear e klot; nor komb en hair and e go kover en face dey shaut sey, ‘I nor dey klean! My body dirty well-well!’

Amos 8:11

Di time dey kom wen I go send honga kom di land. Pipol go dey hongry, but nor bi for food. Dem go dey thirsty, but nor bi bikos of wota; instead dem go dey hongry to hear God message.” Oga God don tok.

Mikah 3:4

But wen una dey trobol, una go kom beg God make E help una! Una dey espect sey God go ansa una? Afta all di wiked tins wey una don do, God nor go even look una face!”

Mikah 7:16

All di nashons for di world go stand sopraiz for wetin God go do for una. God mighty pawa go make dem konfuse. Dem go sopraiz kon kwayet dey look evritin wey dey happen.

Zekaraya 13:4

“For dat day, no profet go fit karry body up, bikos of en vishon. Nobody go sey en na profet or wear profet garment kon dey deceive pipol.

1 Samuel 14:37

So Saul ask God, “Make wi porshu Filistia pipol? Yu go give dem to us?” But God nor ansa am dat day.

1 Samuel 28:15

Samuel kon tell Saul, “Wetin make yu dey disturb mi? Wetin make yu koll mi kom back?” Saul ansa, “I dey for big wahala! Filistia pipol dey fight mi and God nor dey ansa mi again. E nor dey listin to mi or tok to mi thru profet or dream. So I kon koll yu, so dat yu go tell mi wetin I go do.”

1 Samuel 28:6

So Saul pray to God, but God nor gri listin to am. God nor even ansa am for dream or thru profet or Urim.

1 Samuel 9:9

(For dat time for Israel, if anybody won go hear from God, e go sey, “Kom make wi go si di pesin wey dey si vishon.” Bikos dat time, dem dey koll profet, “Pesin wey dey si vishon.”)