Mikah 2:10 - Holy Bible Nigerian Pidgin English

¹⁰ So make una komot der and dis land nor dey save again, bikos una don use sin skata am finish!

Mikah 2:10 ပူးပေါင်းရင်းမြစ်များ

1 Kings 9:7

I go remove una from Israel pipol and di land wey I give dem. I go still abandon dis temple wey I don make holy sey make dem for dey woship mi. Pipol for evriwhere go laf Israel pipol and dem nor go respet dem again.

2 Kings 15:29

Wen Pekah dey rule Israel, King Tiglat-Pileser for Assyria kon attack and katch Ijon, Abel-Bet Maaka, Janoah, Kedesh, Hazor, Gilead and Galilee, plus all di aria for Naftali, den e karry di pipol go Assyria.

2 Kings 17:6

For nine years wen Hoshea dey rule, Assyria king katch Samaria kon karry Israel pipol go Assyria. E keep dem for Halah near Habor (Gozan river) and for Medes town.

2 Kronikles 7:20

I go remove dem from my land wey I give dem; I go forget dis temple wey I santify with my present kon make pipol laf and fool dem among all di nashon.

Psalms 106:38

Dem kill innocent pipol kon sakrifice dia sons and dotas give Kanaan juju, so di land kon full with innocent pipol blood.

Psalms 95:11

So I kon swear as I dey vex sey: ‘Dem nor go ever enter my place where rest dey.’ ”

Jeremaya 10:18

God sey, “I go trow una komot for dis land. Yes! I go kill all of una finish.”

Jeremaya 3:2

Make una look on-top di hills and una go si sey e nor get anywhere wey una neva do ashawo! Una sidan for road dey wait men, just as Arab pipol dey wait for dia enemies for desert. And naw, una don spoil di land with una ashawo and wiked life.

Jeremaya 9:19

Make una hear Zion pipol dey kry: ‘Wi don die finish! Dem don disgrace us well-well! Wi must komot from awa land, bikos awa house don skata.’ ”

Ezekiel 36:17

“Man pikin, wen Israel pipol bin dey dis land, dem spoil am with di way dem dey do and bihave. I si sey dia karata nor dey good and klean and bi like woman wey dey si en period.

Ezekiel 36:19

I kondemn and skata dem go evriwhere, bikos of how dem dey live dia life.

Deutronomi 12:9

bikos una neva even rish where una dey go kon kollect di land wey di Oga una God dey give una.

Deutronomi 30:18

I dey tell una today sey una go die! Una nor go stay tey for di land wey una dey cross Jordan River go take as una own.

Deutronomi 4:26

I koll heaven and eart as witness today against una. If una break di kommand wey God give una thru mi, una go die for di land wey una won cross Jordan River enter. Una go stay der small; den God go distroy una finish.