Matiu 7:13 - Holy Bible Nigerian Pidgin English

¹³ “Make yu pass di small gate enter, bikos di gate wey pipol go pass go sofa, wide well-well and many pipol dey waka enter.

Matiu 7:13 ပူးပေါင်းရင်းမြစ်များ

Jenesis 6:12

God look di eart kon si sey e dey bad well-well, bikos all di pipol dey live wiked life.

Jenesis 6:5

But di Oga God si as human being wikedness don strong for di eart. Evritin wey dem dey tink for dia mind, na how to do evil tins.

Proverbs 16:25

Wetin pesin dey do, fit dey good for en eye, but na deat dey end am.

Proverbs 7:27

If yu enter en house, den deat dey hongry yu, bikos na short kut to deat bi dat.

Proverbs 9:6

Make una komot from where fools dey and una go get life. Make una kom follow wisdom waka.”

Isaya 1:9

If to sey Oga God wey get pawa nor let some of di pipol survive, dem for don distroy Jerusalem finish, like Sodom and Gomorrah.

Isaya 35:8

One fine road go dey der and dem go koll am, “Holiness Road.” No sina go travel pass dat road and foolish pipol nor go fit deceive doz wey dey waka pass der.

Isaya 55:7

Make wiked pipol turn from dia wiked life kon shange di way dem dey tink. Make dem turn go meet di Oga wey bi awa God, bikos E dey sorry for pesin and dey kwik forgive pipol.

Matiu 23:13

“But e go bad for una wey dey tish di law and una Farisee pipol, una wey dey pritend! Una klose door make pipol nor for fit enter God Kingdom! Unasef nor won enter and una nor won make odas enter.

Matiu 25:41

“Di king go tell di pipol wey dey en left hand, ‘Make una komot from my side, una wey God don curse! Make una enter hell-fire wey dem prepare for devil and en wiked angels.

Matiu 25:46

“So wiked pipol go enter ponishment wey nor go end, but raitious pipol go get life wey nor go end too.”

Matiu 3:2

“Make una turn from sin kom meet God, bikos God Kingdom don near.”

Matiu 3:8

Naw, make una do wetin go show sey una don turn from sin kom meet God,

Matiu 7:14

But di gate wey pipol dey pass enter life, small well-well and e hard to enter and na only few pipol go fit si am.”

Luke 14:33

Like dis too, nobody fit bi my disciple if e nor komot en mind from evritin wey e get.

Luke 9:33

Den as Moses and Elijah won go, Pita kon tell Jesus, “Oga God, e good make wi stay here. Make wi build three tent, one for yu, one for Moses and one for Elijah.” (Pita nor even know wetin e dey tok.)

John 10:9

Na mi bi di door, anybody wey enter thru mi, God go save am. E go-go inside and out and e go si betta grass chop.

John 14:6

Jesus ansa am, “Na mi bi di road, di trut and life. Nobody go fit go meet my Papa, unless e pass thru mi.

Acts 3:19

So make una turn from sin kom meet God, make E for forgive una,

Romans 9:22

But God won show sey E dey vex, so E kon use en pawa against doz wey E won ponish.

2 Korintians 4:4

bikos doz wey nor bilive, di gods for dis time don blind dia mind, so dem nor go si lite wey dey dis gospel wey get glory and dis gospel na Christ wey bi God image.

2 Korintians 6:17

Christ still sey, “Make una kom out and separate unasef from dem,” and “Make una nor tosh anytin wey nor dey klean, den I go welkom una

Galatians 5:24

Pipol wey dey inside Christ don kill dia flesh with all di bad tins wey di flesh dey like to do.

Filippians 3:19

Dem go end for hell; na dia belle bi di god wey dem dey serve. Tins wey suppose make dem shame, naim dey make dem happy and na only tins for dis world dem dey tink about.

1 John 5:19

Wi know sey wi bi God shidren and dis world wey wi dey so, na wiked pipol dey rule am.

Revelashon 12:9

Dis dragon na di old snake wey bi di devil or Satan, wey dey deceive di world. Dem trow am kom down from heaven with en angels.

Revelashon 13:8

Evritin for dis eart go woship am, even doz wey dia name nor dey for God Lamb book wey get life.

Revelashon 20:15

Anybody wey dem nor si en name inside di Life Book, dem go trowey am inside di big fire.

Revelashon 20:3

Den di angel trow am put for di pit kon lock di door with key, so dat e nor go fit deceive pipol until di 1,000 years don komplete. (Afta dis tins, dem must free am for short time.)