Matiu 6:9 - Holy Bible Nigerian Pidgin English

⁹ “So make una pray like dis: “ ‘Awa Papa wey dey for heaven, wi praiz yor name,

Matiu 6:9 ပူးပေါင်းရင်းမြစ်များ

2 Samuel 7:26

Dem go know yor name and pipol go tok forever sey, ‘God Almighty na Israel pipol God’ and Yu go always dey protet my kingdom.

1 Kings 8:43

My Oga God, make Yu listin to dia prayer. For heaven wey Yu dey, make Yu hear and do wetin dem sey make Yu do, so dat evribody for di world go know and obey Yu, just as yor pipol Israel dey do. Den dem go know sey dis temple wey I build, na di place where dem go for dey woship Yu.

1 Kronikles 17:24

Dem go know yor name, den pipol go always dey sey, ‘God Almighty na Israel pipol God’ and Yu go always keep my kingdom.

2 Kronikles 20:6

kon pray: “My Oga wey bi awa grand-grand papa God, na Yu bi God wey dey for heaven and na Yu dey rule di whole world. Na Yu get all pawa and nobody fit stand against Yu.

Nehemaya 9:5

Levi pipol: Jeshua, Kadmiel, Bani, Hashabneaya, Sherebaya, Hodaya, Shebanaya and Petahaya kon tell di pipol sey, “Make una stand praiz di Oga una God bikos E dey forever and ever!” Den dem pray sey, “Wi go praiz yor holy name! Make yor name high pass evry blessing and praiz!

Psalms 111:9

E diliver en pipol kon make sure sey en kovenant go dey forever. Make una si as en name dey holy and big!

Psalms 115:3

Awa God dey for heaven and E dey do wetin E like.

Psalms 72:18

Make una praiz di Oga wey bi Israel pipol God bikos of di wonderful tins wey E do and na only en fit do dem.

Isaya 37:20

Naw, Oga wey bi awa God, make Yu save us from Assyria pipol, so dat all di nashons for di world go know sey, na Yu bi God.”

Isaya 57:15

Na mi bi di high and holy God, di Pesin wey go live forever. Where I dey stay, dey high and holy, but I still dey stay with pipol wey dey honbol and ready to turn from sin kom meet mi, so dat I go give dem mind and hope again.

Isaya 6:3

Each of dem dey sing dey sey, “holy, holy, holy! Na God wey get pawa, dey holy and en glory full di world.”

Isaya 63:16

Na Yu bi awa papa. Even if Jakob and Abraham wey bi awa grand-grand papa sey dem nor know us, Yu God na awa papa and na Yu dey always save us.

Isaya 64:8

But Oga God, na Yu bi awa papa. Wi bi klay and na Yu mold us. Na Yu kreate us,

Isaya 66:1

God sey, “Heaven na my throne and na di eart I dey put my leg. Wish kind house una go fit build for mi? Wish kind place I go stay?

Ezekiel 36:23

Wen I show di kountries how my name dey holy and great rish; di name wey una dey disgrace, dem go know sey na mi bi God. Mi, God wey get pawa, don tok.” “I go use una take show di kountries sey I dey holy.

Ezekiel 38:23

Na like dis I go take show all di kountries as I dey great and holy rish. Den, dem go know sey na mi bi God.”

Levitikus 10:3

Moses tell Aaron, “Dis na wetin God tok: “ ‘Among di pipol wey dey klose to mi, I go show mysef holy to dem and for where evribody dey, na der dem go for honor mi.’ ” So Aaron nor tok anytin.

Habakkuk 2:14

Just as wota full sea, na so too dem go know about God glory for evriwhere for dis world.

Zekaraya 14:9

Den God go bi king for all di eart; evribody go woship and know am as God.

Malakai 1:11

God sey, “From east go rish west, pipol go honor my name for evriwhere. Dem go burn betta incense and offa betta sakrifice give mi, bikos my name go dey great among all di nashons.

Matiu 10:29

Nor bi one penny dem dey sell two sparo bird? But no one go fall rish groun, escept God allow am.

Matiu 23:9

Make una nor koll anybody for dis world ‘Papa’, bikos na only one real Papa una get and e dey for heaven.

Matiu 26:29

I tell una, from naw go, I nor go drink dis wine until di day wey I go drink di new wine with una for my Papa kingdom.”

Matiu 26:42

Jesus kon go pray for di sekond time, “My Papa, if yu nor won take dis deat komot unless I die, den make wetin yu wont happen.”

Matiu 5:16

Like dat too, make yor lite shine well-well for where pipol dey, so dat dem go si di good tins wey yu dey do, wey go make dem praiz yor Papa wey dey heaven.”

Matiu 5:48

So make una dey pafet as una Papa wey dey for heaven, pafet.”

Matiu 6:14

If una forgive oda pipol di bad tins wey dem do una, una Papa wey dey for heaven go forgive una too.

Matiu 6:6

But wen una dey pray, make una go inside room, klose di door and pray to una Papa for sekret. And una Papa wey dey si for sekret, go reward una for pipol present.

Matiu 7:11

If yu wey bad fit give yor pikin good tin, yu tink sey God wey dey heaven nor go give betta tin to pipol wey ask am?

Luke 15:18

I go get up go meet my papa tell am, “Papa I don sin against heaven and against yu.

Luke 15:21

“Den di pikin tell am, ‘Papa, I don sin against heaven and yu. I nor rish make dem koll mi yor pikin again. Make yu take mi as yor worker.’

Luke 2:14

“Na only God get Glory for heaven and eart, make peace and favor dey with evribody.”

John 20:17

Jesus ansa am, “Make yu neva tosh mi, bikos I neva go meet my Papa for heaven. Go meet my brodas, tell dem sey, ‘I dey go heaven go meet my Papa, wey bi yor Papa too; my God, wey bi yor God too.’ ”

Romans 1:7

Rome pipol wey God love and koll make dem bi en own, na una I dey rite dis leta give. Make God awa Papa for heaven and Jesus awa Oga God give una grace and peace.

Romans 8:15

Di Spirit wey God give us nor go make us fear like slave, instead, wi bi God shidren and wi dey koll am, “Awa Papa!”

Galatians 1:1

Na mi Paul, rite dis leta, (nor bi human being make mi apostle, but na Jesus Christ and God awa Papa wey raiz am from deat).

Galatians 4:6

Since wi bi God shidren, E put en Holy Spirit inside us and naim make us dey fit koll am, “Abba! Fada!”

1 Timoti 6:16

Dis God nor fit die and E dey stay for lite wey nobody fit waka near. Lite wey human being neva fit si. Make all honor and pawa bi en own forever and ever. Amen!

1 Pita 1:17

Since una dey koll God wey dey judge evribody akordin to wetin e do, “Papa”, make una live una life with respet for am.

Revelashon 4:11

“Awa Oga and God! Yu dey worthy to receive glory, honor and pawa, bikos na yu kreate evritin as yu wont.”

Revelashon 5:12

All of dem kon dey sing with loud vois sey: “Di Lamb wey dem kill, make glory, pawa, propaty, wisdom and honor, bi en own!”