Matiu 6:34 - Holy Bible Nigerian Pidgin English

³⁴ So make una nor worry about tumoro, bikos tumoro get en own wahala. Today trobol don do.”

Matiu 6:34 ပူးပေါင်းရင်းမြစ်များ

Lamentashons 3:23

Wi dey always trust Yu bikos na evriday Yu dey show us yor goodness.

Matiu 6:11

Give us di food wey wi go chop evriday,

Matiu 6:25

“So I tell una, make una nor worry about una life, wetin una go chop or drink and wetin una go wear for body. Life nor big pass food? Abi body nor betta pass klot?

Matiu 6:27

Who among una wey dey worry go fit add one hour join en life?

Luke 10:41

Jesus ansa am, “Marta! Marta! Yu dey too wahala yorsef about many tins,

Luke 11:3

Give us di bread wey wi go chop today,

Luke 12:11

“Wen dem karry una go sinagog or go meet govnors and pipol wey get pawa to judge una kase, make una nor worry about how una go defend unasef or wetin una go tok,

Luke 12:22

Jesus tell en disciples, “Naw I dey tell una, make una nor worry about una life, wetin una go chop or klot wey una go wear for body.

John 14:27

Make una mind rest, bikos na my peace I give una. My peace difren from di one wey di world dey give. Make una nor fear or allow anytin worry una mind.

John 16:33

“I don tell una all dis tins, so dat my peace go stay with una. Wahala full inside di world and sofa dey too, but make una heart dey strong, bikos I don already win di world.”

Acts 14:22

Dem enkourage di disciples sey make dem get heart and make dem kontinue to dey bilive sey, “Wi go must sofa well-well for pipol hand, before wi go fit enter God Kingdom.”

Deutronomi 33:25

Una gate key go bi iron and bronze and God go guide una forever.

Filippians 4:6

Make una nor let anytin worry una for mind. Instead, for evry kondishon wey una dey face, make una ask God thru prayer for evritin wey una nid and make una always dey tank am, as una dey pray.

1 Pita 5:7

Make una karry all una trobol give God, bikos E kare for una.