Matiu 5:22 - Holy Bible Nigerian Pidgin English

²² But I tell una, anybody wey vex for en broda, God go judge am too. Anybody wey curse en broda, go face di kansol and anybody wey koll pesin, ‘Mumu’, go-go hell-fire.

Matiu 5:22 ပူးပေါင်းရင်းမြစ်များ

Jenesis 37:4

Wen Josef brodas si sey dia papa like am pass dem, dem kon hate Josef and dey tok to am anyhow.

Jenesis 37:8

Den en brodas ask am, “So yu really tink sey yu go rule ova us or get pawa pass us?” So dem kon hate am more-more, bikos of di dream and wetin e tok.

2 Samuel 16:7

Shimei curse am dey sey, “Make yu get out! I sey make yu dey go! Yu wey kill pipol! Wiked man!

2 Samuel 6:20

Afta, wen David go greet en family for house, Mikal kom meet and tell David for outside sey, “Israel king don fool ensef well-well today! E disgrace ensef for en girls savant and ofisas front!”

1 Kings 21:4

King Ahab kon dey vex and e nor happy with wetin Nabot tell am. E liedan face di wall for en bed and e nor gri chop.

2 Kronikles 16:10

Asa vex well-well for di profet, so e kon put am for prison. Dat time, King Asa still vex opress some pipol.

2 Kronikles 19:5

E put judge for all di land for Judah towns wey dem dey guide.

Nehemaya 5:8

I kon sey, “Just as wi fit, wi don dey buy awa Jew brodas wey sell demsef give strenjas back. But naw, una by unasef won sell una own brodas! So how many times wey go buy dem back?” But di leaders kwayet and nor fit defend diasef.

Psalms 109:3

Dem gada round mi kon dey lie and fight mi without any rizin.

Psalms 14:1

Na only fools dey tok for dia heart sey, “God nor dey.” Dem nor good at-all and dia ways bad well-well. No one among dem dey do wetin good!

Psalms 25:3

Nobody wey trust Yu dey si disgrace, but disgrace na for doz wey dey try to deceive odas.

Psalms 35:19

Make Yu nor let my enemies happy sey dem win mi. Make Yu nor let pipol wey hate mi, even doh I nor do anytin, happy bikos I dey sofa.

Psalms 37:8

Make yu nor dey vex, bikos na trobol, vexnashon dey bring.

Psalms 49:10

Wi know sey even wise pipol must die; both fools and doz wey dey spiritual still dey die too and na odas go kollect evritin plus di money wey dem get.

Psalms 69:4

Pipol wey just hate mi wen e bi sey I nor do dem anytin, many pass di hair wey dey my head. Doz my enemies wey won distroy mi without any rizin, too plenty to kount. Dem dey make mi pay for wetin I nor tif!

Psalms 7:4

if I sin against my friend or ponish my enemies wen dem nor do anytin against mi,

Psalms 92:6

Who nor get sense nor go fit know wetin Yu dey do and na only fools nor go undastand sey:

Proverbs 14:16

Wise pipol get sense and dem dey avoid wahala; but foolish pipol dey waka enter trobol.

Proverbs 18:6

Wen foolish pesin start to argue, na trobol e dey put ensef.

Jeremaya 17:11

Pesin wey dey make money with wayo, bi like bird wey dey hash egg wey e nor lay. Wen e don dey old, e go luz all di money wey e get, den e go know sey e bi fool.”

Lamentashons 3:52

Pipol wey I nor do bad to, set trap for mi like sey I bi bird.

Daniel 3:13

Wen di king hear wetin dem tok, e vex kon sey make dem go bring di three men kom en front.

Daniel 3:19

King Nebukadnezzar vex well-well and en face kon dey red for Shadrak, Meshak and Abednego. Den e orda sey make dem heat di fire seven time, so dat e go hot well-well.

Obadaya 1:10

“Bikos una use wikedness take kill una brodas for Israel, na shame and distroshon go follow una forever.

Obadaya 1:12

Una nor for dey happy wen dem karry una brodas as slaves go anoda land. Una nor for happy at-all wen Judah pipol dey sofa all dis tins. Una nor for tok anyhow for dat time wey Israel dey sofa.

Matiu 10:17

“Make una dey ready, bikos pipol go arrest una karry go kourt and flog una for dia sinagog.

Matiu 10:28

Make una nor fear who go fit kill di body and nor fit kill di soul. Instead, make una fear God wey fit distroy pesin soul and body for hell-fire.

Matiu 12:24

But wen di Farisee pipol hear wetin dem dey tok, dem kon ansa, “Na Belzibub (wey bi demon oga) pawa e dey use take drive demons komot from pipol body.”

Matiu 17:5

As e still dey tok, one brite kloud kon kover dem and one vois kon sey, “Dis na my Pikin wey I love. Make una listin to am!”

Matiu 18:21

Den Pita kon ask Jesus, “Oga God, how many times I go forgive my broda wey do mi bad? Na seven times?”

Matiu 18:35

“So, na like dis too my Papa for heaven go do una, if una nor forgive una brodas from una heart.”

Matiu 23:15

“E go bad for una wey dey tish di law and una Farisee pipol, una wey dey pritend! Una dey travel go evriwhere just to win one pesin kon meet God and afta una don win am, una go kon make am bad well-well like devil pikin, pass as una bi!

Matiu 23:33

“Una bi snake! Wiked snake shidren! How una go take eskape hell?

Matiu 25:41

“Di king go tell di pipol wey dey en left hand, ‘Make una komot from my side, una wey God don curse! Make una enter hell-fire wey dem prepare for devil and en wiked angels.

Matiu 26:59

Di priest oga dem and di Sanhedrin kon dey find wetin dem go take whole Jesus, make dem for fit kill-am.

Matiu 3:17

Naim one vois from heaven kon sey, “Dis na My pikin wey I love and e dey make belle sweet mi.”

Matiu 5:34

But I dey tell una naw sey, make una nor ever use heaven swear at-all, bikos na God throne e bi,

Matiu 5:44

But I tell una naw sey, ‘Make una love una enemies and pray for pipol wey dey sofa una’,

Mark 14:55

Di priest oga dem and di Sanhedrin dey find wetin dem go take akuiz Jesus, so dat dem go fit kill-am, but dem nor si anytin.

Mark 15:1

For early morning afta dem don plan wetin dem go do Jesus, di priest oga dem with di law tishas and di Sanhedrin, tie am kon take am go meet Pilate.

Luke 12:5

But make I tell una who una must fear: Make una fear di Pesin wey get pawa to trow una inside hell-fire afta E don kill una. Yes, I tell una true word, na-im una must fear!

Luke 22:66

Wen morning rish, di eldas with di priest oga dem and di law tishas kon gada. Den dem take Jesus go dia kansol

John 11:47

Den di priest oga dem and Farisee pipol kon koll di kansol memba dem togeda, ask dem, “Wetin wi go do, since dis man dey do plenty mirakles?

John 15:25

All dis tins happen, so dat wetin God law tok, go bi true sey, ‘Dem nor get rizin to take hate mi.’

John 7:20

Di pipol ansa Jesus, “Demon don enter yor body! Who won kill yu?”

John 8:48

So di pipol kon sey, “E bi like sey yu bi Samaria pesin and demon dey inside yu.”

Acts 17:18

So some wise men wey dey learn Epikurean and Stoik kon dey tok with am and some sey, “Wetin dis mumu and toku-toku tink sey e know wey e won tell us?” Some still sey, “E bi like sey e dey prish about some gods from anoda tribe.” (Dem tok so, bikos e dey prish di Good News about Jesus Christ and en resureshon.)

Acts 22:30

Di next day, bikos di kommanding offisa won know di rizin wey make di Jew pipol dey akuiz Paul, e release am kon orda di priest oga dem and di whole kansol make dem gada. So e bring Paul kon stand for dia front.

Acts 23:1

Paul look di kansol pipol kon tell dem, “My brodas, I dey live my life with klean mind for God eye kon rish today.”

Acts 24:20

Or make dis men wey dey here tok di crime wey I kommit as I face di kansol,

Acts 4:15

So dem sey make Pita and John komot for where dem dey, den dem bigin ask each oda,

Acts 5:21

Afta dem hear dis, dem enter di temple varanda for morning kon start to dey tish di pipol. Den di priest oga dem and di pipol wey dey follow am kon koll di Sanhedrin, wey bi di big kansol for Israel pipol. Dem send pipol go di prison make dem go bring di apostles kom, bikos dem won judge dia kase.

Acts 5:27

Wen dem don bring dem inside, dem kon sey make dem stand for di kansol front and di priest oga dem kon dey kweshon dem.

Acts 6:12

Dem lie for Stefen head, so di pipol, di eldas and di oga dem for di law kon hate am. So dem arrest Stefen kon karry am go di kansol.

Acts 6:15

Evribody wey dey di kansol dey look Stefen kon si sey en face dey shine like angel own.

Acts 7:37

Na dis Moses tell Israel pipol sey, ‘Na from among una God promise sey, E go raiz-up one profet wey go lead una.’

Romans 12:10

Make una love each oda like brodas and sistas and make una respet oda pipol pass unasef.

1 Korintians 6:10

tif; long-trot; drunkard; doz wey dey curse pipol and doz wey dey play wayo; non of dem go enter God kingdom.

1 Korintians 6:6

Wetin dey make una karry unasef go meet judge wey nor know God?

Deutronomi 15:11

E go always get some pipol for di land wey go dey poor. Dat na why I dey kommand una to dey give with happy mind to poor pipol and odas for Israel wey nid anytin.

Deutronomi 16:18

For all di towns wey di Oga una God dey give una, make una pick doz wey fit judge from each tribe for Israel. Di judge dem must judge di pipol well.

1 Tesalonians 4:6

Make nobody shit en Christian broda or make am vex, bikos na God go fight for di pesin wey yu shit and wi don tell una before and wi still dey warn una sey, God go really ponish pipol wey dey do like dat.

Titus 3:2

Make dem nor ever tok bad about anybody, instead make dem dey live for peace, dey gentol and dey bihave well to evribody.

Hibru 12:25

Make sure sey una dey obey di Pesin wey dey tok to una! Bikos if Israel pipol wey nor gri hear dia oga Moses word for eart nor eskape, how wi go fit eskape, if wi nor gri hear di Pesin wey dey tok to us from heaven?

Hibru 5:9

Wen God don make Christ pafet finish, e kon save evribody wey obey am.

James 2:20

Foolish man! Yu wont make I show yu sey faith wey nor get work dey yuzles?

James 3:6

Di tongue na fire! Na der bad tins full pass for pesin body. E dey spoil di whole body and kause fire for pesin life and dis kind fire dey kom from hell.

1 Pita 2:23

Wen dem curse am, e nor ansa back; wen e sofa, e nor treaten sey e go pay dem back, but e put ensef for God hand wey nor dey judge kase with parsha.

1 Pita 3:9

Make una nor take bad pay di bad wey pesin do una, instead, make una bless odas, bikos God koll una to bless pipol.

1 John 2:9

Pesin wey sey e dey inside di lite, but e still hate en broda or sista for Christ, dat pesin still dey inside darkness.

1 John 3:10

Na like dis una go take know God and devil shidren. Pesin wey nor dey do wetin good for God eye and nor love en broda or sista for Christ, nor bi God pikin.

1 John 5:16

If anybody si en broda or sista for Christ dey kommit sin wey nor go kill-am, make e ask God and God go give life to dat pesin. E get di kind sin wey dey kause deat and I nor sey make una pray make God forgive di pesin wey dey kommit dat kind sin.

Jude 1:9

But wen Mikael, di big angel dey kworel with devil bikos of Moses body, e nor curse am, but instead, e sey, “Na God go judge yu!”

Revelashon 20:14

Den dem trow deat and grave inside di fire. Dis fire na di sekond deat.