Matiu 5:18 - Holy Bible Nigerian Pidgin English

¹⁸ I tell una true word, before dis world go end, evritin wey dey inside di Law, even di small-small ones, go happen.

Matiu 5:18 ပူးပေါင်းရင်းမြစ်များ

Psalms 102:26

Even wen dem skata, Yu go dey forever. Dem go tear like garment and Yu go remove and distroy dem like one old klot.

Psalms 111:8

bikos dem bi true word and dem go last forever, so wi must obey dem well and respet dem.

Psalms 119:152

and I don know from small pikin sey, yor laws go dey forever and ever.

Isaya 40:8

Yes, di grass go dry and flower go fade, but awa Oga God word go dey forever.”

Isaya 44:26

But wen my savant tok wetin go happen; wen I send my messenjas go tell una wetin I plan, I dey make doz plans, happen. I tell Jerusalem sey pipol go stay for der again and dem go ribuild Judah town. Even doh dem skata am before, I go raiz am up again.

Isaya 51:6

So make una look heaven and eart! Di heavens go vanish like smoke, di eart go tear like old klot and all en pipol go die like fly. But wen I diliver am, e go last forever. My viktory, na di final one.

Matiu 10:15

I tell una true word, e go betta for Sodom and Gomorrah pipol for judgement day, pass di pipol wey dey for dat town.”

Matiu 10:23

Anytime dem sofa una for one town bikos of mi, make una run go anoda town. I tell una true word, una nor go run pass all di town for Israel, before Man Pikin go kom back.

Matiu 10:42

And anybody wey give kold wota to di pesin wey small pass among my disciples, I tell una true word, e nor go ever luz en reward.”

Matiu 11:11

I tell una true word, among all di pipol wey woman born, e nor get anybody wey big rish John di Baptist. But di pesin wey small pass for God Kingdom, big pass am.

Matiu 13:17

I tell una true word, many profets and good-good pipol don wait taya make dem for hear and si wetin una dey si, but dem nor si or hear am.

Matiu 16:28

I tell una true word, some of una dey here wey nor go die, before God Pikin go kom back with en kingdom.”

Matiu 17:20

Jesus ansa dem, “Na bikos una faith too small and I tell una true word, ‘If una get faith wey small like mustard seed, una go tell dis mountin, “Make yu move from here go yonda” and e go move and nor-tin go hard una to do.’

Matiu 18:18

“I tell una true word, anytin wey una take prayer tie for eart, God go tie am for heaven and anytin wey una take prayer luz for eart, God go luz am for heaven.

Matiu 18:3

den e ansa, “I tell una true word, unless una bi like small pikin, una nor go fit enter God Kingdom!

Matiu 19:23

Den Jesus tell en disciples, “I tell una true word, e go hard for pesin wey get money well-well to enter God Kingdom!

Matiu 19:28

Jesus ansa am, “I tell yu true word, for dat time wen evritin go dey new, Man Pikin go sidan for en throne wey get glory and una wey dey follow mi, go sidan for twelf thrones, dey judge di twelf tribes wey dey Israel.

Matiu 21:21

Jesus ansa dem, “I tell una true word, if una get faith and una nor dey doubt, una nor go only do wetin happen to dis fig tree, but if una tell dis mountin, ‘Make yu move go inside di sea, e go-go.’

Matiu 21:31

“Wish of di two shidren do wetin dia papa wont?” Dem ansa, “Na di first one.” Jesus kon tell dem, “I tell una true word, tax kollectors and ashawo dem go first una enter God Kingdom!

Matiu 23:36

I tell una true word, pipol for dis generashon go sofa di ponishment for dis tins wey una do!”

Matiu 24:2

Jesus kon tell dem, “Una dey si all dis tins? I tell una true word, wen di time rish, one block nor go dey on-top anoda one, bikos di building go skata finish!”

Matiu 24:47

I tell una true word, di oga go sey, ‘Make yu kare for di whole house.’

Matiu 25:12

“But e ansa dem, ‘No! I nor know una!’

Matiu 25:40

“Den di king go ansa, ‘I tell una true word, just as una do am give di pesin wey small pass among my brodas and sistas, una don do am for mi.’

Matiu 25:45

“Den, di king go ansa dem, ‘I tell una true word, just as una nor do am for di pesin wey small pass among my brodas and sistas, una nor do am for mi.’

Matiu 5:26

I tell una di trut, yu nor go komot from dat trobol until yu pay all di money!”

Matiu 6:16

“Wen una dey fast, make una nor skwiz una face like pipol wey dey pritend, so dat pipol go si sey dem dey fast. I tell una true word, dem don already get dia full reward.

Matiu 6:2

“Anytime una give sometin to pipol, make una nor show unasef as pritendas dey do for dia sinagog and road, so dat oda pipol go praiz dem. I tell una true word, dem don already get dia reward.

Matiu 8:10

Wen Jesus hear wetin e tok, e sopraiz, den e tell di pipol wey dey follow am, “I tell una true word, I neva si anybody wey get dis kind faith for Israel!

Mark 10:15

I tell una true word, anybody wey nor receive God Kingdom like small shidren, nor go ever enter inside.”

Mark 10:29

Jesus ansa, “I tell una true word, e nor get anybody wey leave en house, brodas, sistas, papa, mama, shidren or land bikos of di gospel,

Mark 11:23

I tell una true word, if anybody tell dis mountin, ‘Komot from here go enter di sea’ and di pesin nor get doubol mind, but bilive sey wetin e tok go happen, God go do am for am.

Mark 12:43

Jesus kon koll en disciples sey, “I tell una true word, dis poor woman wey e husband don die put money wey pass di oda pipol own.

Mark 13:30

I tell una true word, di pipol for dis time nor go die finish before all dis tins go happen.

Mark 14:18

As dem dey chop for di tabol, Jesus kon sey, “I tell una true word, one of una wey dey chop with mi, go sell mi give my enemies.”

Mark 14:25

I tell una true word, I nor go drink wine again, until di day wen I go drink di new wine for God Kingdom.”

Mark 14:30

Jesus ansa am, “I tell yu di trut, today, for dis nite, before fawol go do ‘Kukuruku’ two times, yu go don deny mi three times.”

Mark 14:9

I tell una true word, anywhere wey dem go prish dis gospel for di whole world, pipol go tok about dis tin wey dis woman don do so.”

Mark 3:28

I tell una true word, God go forgive pipol di sins wey dem kommit and all di bad word wey dem tok.

Mark 6:11

If dem nor welkom una or listin to wetin una dey tok for any place, make una shake di san komot from una leg as una dey leave der, to show sey dem rijet di message.”

Mark 8:12

Jesus kon ask dem, “Why pipol for dis world naw dey ask for sign? Make I tell una true word, dem nor go get any sign.”

Mark 9:1

Jesus kon tell dem, “I tell una true word, some pipol dey here wey nor go die until dem don si God Kingdom and en pawa.”

Mark 9:41

I tell una true word, anybody wey give yu cup of wota bikos yu dey follow mi, nor go ever luz en reward.

Luke 11:51

From wen dem kill Abel go rish di time wen dem kill Zekaraya for di altar inside di temple, dia blood dey dis pipol head and God go judge dem.

Luke 12:37

Di savant wey en oga go kom back kon meet am dey work, make e happy well-well bikos di oga go prepare ensef make e for serve di savant food for tabol.

Luke 13:35

Make una look, una shidren don skata! And I tell una true word, una nor go si mi again until una go sey, ‘God don bless di pesin wey kom with en name!’ ”

Luke 16:17

E betta make heaven and eart vanish, dan make even di small-small laws dey yuzles.

Luke 18:17

I tell una true word, anybody wey nor receive God Kingdom like small pikin, nor go enter inside.”

Luke 18:29

Jesus kon tell dem, “I tell una di trut, anybody wey leave en house, wife, brodas, papa, mama or pikin bikos of God Kingdom,

Luke 23:43

Jesus ansa am, “I tell yu di trut, today yu go dey with mi for paradise.”

Luke 4:24

Jesus still sey, “Make I tell una true word, profet nor dey get respet for en home-town.

John 1:51

Den e kon sey, “Wetin I dey tell una na true word, una go si heaven open and God angels go dey waka up-and-down on-top God Pikin.”

John 10:1

“Na true word I dey tell una, pesin wey nor pass door enter di place where dem dey keep sheep, but klimb pass anoda side enter di place, na big tif.

John 10:7

So Jesus kon tell dem again, “I dey tell una true word. Na mi bi di door wey di sheep go must pass enter.

John 12:24

I tell una true word, if one korn seed fall for groun and e nor die, e nor go grow, but if e die, e go grow kon bear plenty seed.

John 13:16

Make I tell una true word, savant nor dey big pass en oga, just as di pesin wey bi messenja nor dey big pass di oga wey send am.

John 13:38

Jesus ansa am, “Yu really ready to die for mi? Make I tell yu true word, before fawol go do ‘Kukuruku’ dis nite, yu go tok three times sey, yu nor know mi.”

John 14:12

I tell una true word, di pesin wey bilive mi, go do di kind mirakle wey I dey do and e go even do di ones wey big pass dem, bikos I dey go meet my Papa.

John 16:20

I tell una true word, una go kry and mourn, but di world go dey happy; una go dey sad well-well, but una sadnes go turn to happiness.

John 16:23

By dat time, una nor go ask mi anytin again. I tell una true word sey, anytin wey una ask my Papa with my name, E go give una.

John 21:18

I tell yu true word, wen yu dey small, yu dey do as yu like, dey dress as yu like and dey go anywhere wey yu wont, but wen yu go old, yu go spread yor hand and oda pipol go help yu tie yor klot and karry yu go where yu nor won go.”

John 3:11

Make I tell yu di trut, wi dey tok wetin wi sabi and dey bear witness for wetin wi don si with awa eyes, but una nor gri asept wetin wi tok.

John 3:3

Jesus tell am, “Make I tell yu true word, unless dem born pesin di sekond time, e nor go fit si God kingdom.”

John 3:5

Jesus ansa am, “I tell yu di trut, unless God born pesin with wota and en Spirit, di pesin nor go fit enter God kingdom.

John 5:19

Naim Jesus ansa dem, “Make I tell una true word, di Pikin nor fit do anytin with en own mind, escept di tins wey e si en Papa dey do. And na anytin wey e si en Papa dey do, naim e dey do too.

John 6:26

Jesus ansa dem, “Make I tell una true word, na bikos of di bread wey una chop naim make una dey find mi, nor bi bikos of di mirakles wey una si.

John 6:32

Den Jesus tell dem, “Make I tell una true word, nor bi Moses give una bread from heaven, but God, wey bi my Papa, na-im give una di true bread from heaven.

John 6:47

I dey tell una true word, anybody wey bilive mi, don get life wey nor dey end.

John 6:53

Jesus tell dem, “I dey tell una true word, unless una chop Man Pikin flesh and drink en blood, una nor go get life for inside una.

John 8:34

Jesus ansa dem, “Na true word I dey tell una, anybody wey dey kommit sin, na sin bi di masta wey dey rule am.

John 8:51

I dey tell una true word, if anybody follow wetin I dey tish, e nor go die again.”

John 8:58

Jesus ansa dem, “Na true word I dey tell una so, before dem born Abraham, I don already dey!”

1 Pita 1:25

but God word go last forever. And na dis word bi di Good News wey dem prish give una.

Revelashon 20:11

Den I si one big white throne and di Pesin wey sidan put. Eart and heaven run komot from en present and dem nor si where to hide put.