Matiu 5:16 - Holy Bible Nigerian Pidgin English

¹⁶ Like dat too, make yor lite shine well-well for where pipol dey, so dat dem go si di good tins wey yu dey do, wey go make dem praiz yor Papa wey dey heaven.”

Matiu 5:16 ပူးပေါင်းရင်းမြစ်များ

Exodus 34:35

Wen ever Israel pipol si Moses face dey shine, Moses go kover en face until e won go meet and tok to God.

Proverbs 4:18

Raitious pipol ways bi like sun for morning wey dey shine well-well go rish evening.

Isaya 58:8

Den my favor go shine for una body like morning sun and una sore go kwik heal. I go always dey to save una and my present go protet una for evriwhere.’

Isaya 61:3

E sey, instead of sadnes, E go give joy and happiness to doz wey dey mourn for Zion. Instead of sorrow, E go put praiz song for dia mout. Dem go bi like tree wey God plant by ensef. All of dem go do wetin dey rite and dem go praiz God for wetin E don do.

Matiu 23:5

“All wetin dem dey do, na make pipol for si dem. Dem dey tie tins wey dem rite God word put for dia fore head and hand, so dat pipol go si dem.

Matiu 23:9

Make una nor koll anybody for dis world ‘Papa’, bikos na only one real Papa una get and e dey for heaven.

Matiu 5:45

so dat una go bi like una Papa for heaven wey dey allow sun to shine and rain to fall on-top bad and good pipol.

Matiu 6:16

“Wen una dey fast, make una nor skwiz una face like pipol wey dey pritend, so dat pipol go si sey dem dey fast. I tell una true word, dem don already get dia full reward.

Matiu 6:9

“So make una pray like dis: “ ‘Awa Papa wey dey for heaven, wi praiz yor name,

Matiu 9:8

Wen di pipol si wetin happen, fear katch dem well-well and dem kon bigin praiz God wey give dis kind pawa to human being.

Luke 11:2

So Jesus tell dem, “Wen una dey pray, make una sey: “ ‘Awa Papa wey dey for heaven, wi greet yu, Make yor kingdom kom.

John 15:8

My Papa go get big honor if una bear plenty fruit, wey go show sey una bi my disciples.

Acts 9:36

One woman dey for Joppa wey bi Jesus Christ disciple and en name na Tabita (wey mean Dorkas for Greek language). E dey do good tins and dey help poor pipol.

1 Korintians 14:25

Den God go tell una di sekret wey dey dia heart. Den dem go knee down kon tell God sey, “Wi don really bilive sey yu dey with dis pipol.”

2 Korintians 9:13

Bikos of una work, pipol go praiz God, bikos una dey obey Christ word wey una bilive and una dey share evritin wey una get with good mind.

Galatians 1:24

So dem kon dey praiz God bikos of mi.

Efesians 2:10

God kreate us thru Jesus Christ as di good work wey E don prepare down before, so dat wi go dey do as E plan.

Efesians 5:8

Before-before, una dey for darkness, but naw, una bi lite wey dey shine inside Christ. So make una dey do tins like shidren wey get lite,

1 Tesalonians 2:12

Wi dey advise, beg and tok to una sey, una must live una life as God wont, bikos na-im koll una enter en own kingdom and glory.

1 Timoti 2:10

Instead, make dem get good karata as wimen wey dey fear God, suppose bi.

1 Timoti 5:10

Evribody go know am for di good work wey e dey do sey: e don train shidren; dey welkom strenjas; dey serve God pipol; dey help doz wey nor get and e dey do difren good work.

1 Timoti 5:25

Like dis too, pipol dey si di good work wey odas dey do and one day, di good work wey dem do for sekret, go kom out for publik.

1 Timoti 6:18

Tell dem sey, make dem use dia money take do good. Make dem dey do plenty good works kon dey give doz wey nor get and make dem always dey ready to share with odas.

Titus 2:14

E die for us, so dat e go free and klean us from wikedness kon turn us to en own pipol wey like to do good tins.

Titus 2:7

and make yu yorsef bi good ezample to dem. Make evritin wey yu dey do, show sey wetin yu dey tish, na trut.

Titus 3:14

Like dis too, awa pipol go learn how to do good and help pipol wey really nid help. And as dem dey do like dis, dem nor go live yuzles life.

Titus 3:4

But wen God awa Savior show us di kindness and love wey E get for us,

Hibru 10:24

Make wi always dey tink of how wi go enkourage, love and do good for one anoda.

1 Pita 2:12

So make una dey live well among pipol wey nor bi Christian, so dat wen dem sey una do bad, dem go si di good tins wey una dey do and dem go praiz God wen E won judge di world.

1 Pita 2:9

But God don choose una to bi en priest and holy pipol, so dat una go prish di Good News, bikos E koll una from darkness kon enter en brite lite.

1 Pita 3:1

Make una wey bi wife, dey obey una husband. Even doh dem nor dey do wetin dem rite for God word, di way una dey bihave, fit make dem shange,

1 Pita 3:16

But make una do am with gentolness and respet, dey make sure sey una mind klean, so dat pipol wey dey tok bad about di good tins wey una dey do for Christ, go shame for di bad wey dem dey tok.

1 Pita 4:11

Pesin wey dey prish; make e prish God word well. Pesin wey dey help odas, make e do am with di pawa wey God gi-am, so dat for evritin, God go get glory thru Jesus Christ. Make all glory and pawa bi Christ own forever and ever. Amen!

1 Pita 4:14

If dem curse una bikos of Christ, God don bless una bi dat, bikos God Spirit wey get glory, rest on-top una life.