Matiu 27:51 - Holy Bible Nigerian Pidgin English

⁵¹ At wons, di temple kotton tear from up go rish bottom. Di groun bigin shake and rocks kon skata for evriwhere.

Matiu 27:51 ပူးပေါင်းရင်းမြစ်များ

2 Kronikles 3:14

Na violet, purpol, crimson and white klot, Solomon take make di curtain kon design and dekorate am with tins wey bi like angels.

Psalms 18:15

Den as God kommand and as E just breath, di sea bottom open and di eart foundashon kon dey show.

Psalms 18:7

Fear kon make di pipol for di eart dey shake. Di mountins foundashon kon dey shake too; dem dey shake bikos God dey vex.

Exodus 40:21

E take di box enter di Tabanako; hang di curtain wey dey protet am kon kover di Testimony Box, just as God kommand.

Isaya 25:7

Na for dis mountin God go for swallow sorrow, pain and evry bad tin wey dey trobol en pipol.

Levitikus 16:2

“Make yu tell yor broda Aaron sey, na di rite time e go-go di place wey holy well-well for di curtain back, bikos na for der I appear for kloud on-top di Kovenant Box. If e nor do am, e go die.

Levitikus 21:23

but e nor go enter di holy curtain or kom near di altar, bikos e get diziz. So e nor go offa dis tins, bikos na mi bi God and I don make dem dey holy.’ ”

Habakkuk 3:10

Mountins dey fear as dem si Yu; rain dey fall from di kloud and waves for sea dey raiz and make nois bikos of Yu.

Habakkuk 3:13

Yu go save yor pipol and di king wey Yu choose. Na Yu kill di pesin wey dey lead wiked pipol kon distroy doz wey dey follow am.

Nombas 4:5

Wen time don rish for di pipol to travel, Aaron and en sons must enter di tent kon take di curtain take kover di Kovenant Box.

Matiu 27:54

Wen di sojas oga and di pipol wey dey guide Jesus Christ si di eartkweke and wetin happen, dem fear well-well kon sey, “True-true dis man na God Pikin.”

Matiu 28:2

At wons, strong eartkweke happen, bikos God angel kom down from heaven, roll di stone komot kon sidan on-top am.

Mark 15:38

So di curtain for di temple tear into two from top go rish bottom.

Luke 23:45

bikos sun stop to shine. Di Temple curtain kon tear into two.

Luke 23:47

Wen di soja oga si wetin happen, e kon praiz God sey, “True-true, dis man na good pesin!”

Hibru 6:19

Dis hope strong for awa heart like ship wey dem tie make e nor for move, bikos di hope wey wi get dey kamkpe and strong gidigba. Di promise go take us pass di curtain for heaven, until wi rish where God dey;

Hibru 9:3

Anoda room wey dem rite, “Holy of Holies”, dey for di curtain back.

Revelashon 11:13

For dat same time, betta eartkweke go happen and if dem divide di town into ten, one part go distroy finish. 7,000 pipol go die for di eartkweke and evry oda pesin go fear kon bigin tank God wey dey heaven.

Revelashon 11:19

Den for heaven, God Temple kon open and en Kovenant Box dey inside di temple. Tonda kon dey make nois and spark, den strong eartkweke happen and big-big ice-blok kon dey fall.