Matiu 25:45 - Holy Bible Nigerian Pidgin English

⁴⁵ “Den, di king go ansa dem, ‘I tell una true word, just as una nor do am for di pesin wey small pass among my brodas and sistas, una nor do am for mi.’

Matiu 25:45 ပူးပေါင်းရင်းမြစ်များ

Jenesis 12:3

I go bless doz wey bless yu, but doz wey curse yu, I go curse dem too. All di family for dis eart, go get blessing, bikos of yor name.”

Psalms 105:15

“Make una nor tosh dis pipol wey I choose and make una nor plan to do bad tins against my profets.”

Proverbs 14:31

Doz wey dey opress poor pipol, dey kause God wey kreate dem, but to help poor pipol, na to honor God.

Proverbs 17:5

If yu dey laf poor pipol, den yu dey curse God wey kreate dem, so pesin wey dey happy sey odas fall, God go ponish am.

Proverbs 21:13

If yu nor gri listin to poor pipol kry, dem nor go hear yor own kry for help.

Zekaraya 2:8

Bikos Oga God wey dey rule ova evritin tell mi sey, na bikos of en own glory E send mi go di nashons wey bin distroy una, bikos anybody wey tosh una, don tosh di pipol wey E love well-well.”

Nombas 24:9

Di nashon bi like strong lion; wen e dey sleep, nobody fit wake am. Anybody wey bless Israel pipol, go dey bless and anybody wey curse Israel pipol, curse go follow am.’ ”

Matiu 10:41

Anybody wey receive profet, bikos na profet e bi, go get profet reward. Pesin wey receive good pesin, bikos na good pesin e bi, go get good pesin reward.

Matiu 25:40

“Den di king go ansa, ‘I tell una true word, just as una do am give di pesin wey small pass among my brodas and sistas, una don do am for mi.’

Matiu 25:44

“Den, dem go ansa, ‘Oga God, wish time wi si yu dey hongry or won drink and wi nor give yu food or sometin to drink, wish time yu bi strenja or naked or nor well or dey for prison and wi nor give yu wetin yu wont?’

Matiu 25:46

“So wiked pipol go enter ponishment wey nor go end, but raitious pipol go get life wey nor go end too.”

Acts 9:5

So e ansa, “Oga God, na who dey tok so?” Di vois ansa am, “I bi Jesus Christ wey yu dey ponish!

1 Korintians 8:12

If yu sin against yor brodas or sistas wey nor get strong heart and faith, yu don sin against Christ.