Matiu 25:40 - Holy Bible Nigerian Pidgin English

⁴⁰ “Den di king go ansa, ‘I tell una true word, just as una do am give di pesin wey small pass among my brodas and sistas, una don do am for mi.’

Matiu 25:40 ပူးပေါင်းရင်းမြစ်များ

2 Samuel 9:1

One day, David ask, “E get anybody wey remain for Saul family? If e dey, I go like do good for am, bikos of Jonatan.”

2 Samuel 9:7

David tell am, “Make yu nor fear. I go dey kind to yu, bikos of Jonatan wey bi yor papa. I go give yu evritin wey bi Saul, yor grand-papa own and anytime wey yu kom my tabol, I go welkom yu.”

2 Kings 4:10

so make wi make one small room for up kon put bed, tabol, chair and lantan for der, so dat wen ever e kom, e go stay here with us.”

Proverbs 14:31

Doz wey dey opress poor pipol, dey kause God wey kreate dem, but to help poor pipol, na to honor God.

Proverbs 19:17

Wen yu give sometin to poor pipol, e bi like sey God dey borrow from yu and God go pay yu evritin wey E borrow.

Jeremaya 39:17

But mi, wey bi God go protet yu from di pipol wey yu dey fear.

Matiu 10:40

“Pesin wey welkom yu, welkom mi too and anybody wey welkom mi, welkom di Pesin wey send mi.

Matiu 10:42

And anybody wey give kold wota to di pesin wey small pass among my disciples, I tell una true word, e nor go ever luz en reward.”

Matiu 18:10

“Make sure sey una nor porshu any of dis small shidren komot. I tell una di trut, dia angels dey my Papa front for heaven evritime.

Matiu 25:34

“Den di king go tell di pipol wey dey en rite hand, ‘Make una kom, una wey my Papa don bless and make una inherit di kingdom wey God prepare for una before di world start.

Matiu 25:39

Wish time wi si yu wen yu nor well or dey for prison kon visit yu?’

Matiu 25:45

“Den, di king go ansa dem, ‘I tell una true word, just as una nor do am for di pesin wey small pass among my brodas and sistas, una nor do am for mi.’

Matiu 28:10

Den Jesus Christ tell dem, “Make una nor fear, but tell my brodas make dem go Galilee and dem go si mi for der.”

Mark 9:41

I tell una true word, anybody wey give yu cup of wota bikos yu dey follow mi, nor go ever luz en reward.

Luke 19:38

“God don bless di king wey dey kom with en name! Make peace dey for heaven and make all di glory bi God own!”

John 20:17

Jesus ansa am, “Make yu neva tosh mi, bikos I neva go meet my Papa for heaven. Go meet my brodas, tell dem sey, ‘I dey go heaven go meet my Papa, wey bi yor Papa too; my God, wey bi yor God too.’ ”

Romans 8:29

God know doz wey E don choose, so E don make dem bi like en Pikin, so dat en pikin go bi di first-born.

2 Korintians 4:5

Wi nor dey tok about awasef, but wi dey prish sey, na Jesus Christ bi Oga God and wi bi una slave, bikos of am.

Galatians 5:13

My brodas and sistas, God don koll una make una dey free; but make una nor use di freedom wey God give una anyhow, instead make una love each oda.

Galatians 5:22

But di fruit wey di Holy Spirit dey bear inside us; na love, joy, peace, patient, kindness, goodness, faithfulnes,

Galatians 5:6

For Christ, e nor matter weda dem sekonsaiz pesin or not; di only tin wey matter, na faith wey dey work thru love.

Efesians 5:30

bikos wi bi part for en body.

Hibru 6:10

God nor dey support pipol anyhow. E go remember how una help en pipol before-before and how una still dey help dem naw. Una bi God pipol and E nor go forget di love wey una show en shidren.

1 Pita 1:22

Una don klean una soul with di trut wey una dey obey and as brodas and sistas, make una love each oda well-well.

1 John 4:20

If somebody sey, “I love God” and e hate en Christian broda, e dey lie, bikos pesin wey nor love en Christian broda wey e dey si, how e wont take love God wey e nor dey si?

Revelashon 17:14

Dem go follow di Lamb fight war, but di Lamb go win dem, bikos na en bi Oga God for all ogas, King for all kings and pipol wey dey follow di Lamb, na doz wey e koll, choose and save.”

Revelashon 19:16

For en klot and lap, wetin dem rite put na: “King and Oga God wey big pass.”