Matiu 25:35 - Holy Bible Nigerian Pidgin English

³⁵ Wen I dey hongry, una give mi food, wen I dey thirsty, una give mi sometin drink and wen I bi strenja, una let mi enter una house.

Matiu 25:35 ပူးပေါင်းရင်းမြစ်များ

1 Kings 17:11

As di woman dey go bring am, e still tell am, “Make yu still bring bread kom for mi too.”

Job 31:32

Doz wey dey travel, I dey koll dem enter my house and I nor dey let dem travel or sleep for road wen nite rish.

Proverbs 14:21

Na sin for yu nor to respet yor neighbour, but doz wey dey help poor pipol, na blessing go follow dem.

Proverbs 14:31

Doz wey dey opress poor pipol, dey kause God wey kreate dem, but to help poor pipol, na to honor God.

Proverbs 19:17

Wen yu give sometin to poor pipol, e bi like sey God dey borrow from yu and God go pay yu evritin wey E borrow.

Proverbs 22:9

Do good and share yor food with poor pipol, den God go bless yu.

Proverbs 25:21

If yor enemy dey hongry, make yu gi-am food chop and if e dey thirsty, make yu gi-am wota drink,

Ezekiel 18:16

opress or tif from pipol. Dey riton wetin pesin gi-am to take borrow money. Dey feed pipol wey dey hongry kon give klot to doz wey dey naked

Ezekiel 18:7

Pesin wey nor dey play pipol wayo or tif from pipol. Anytin wey pesin gi-am, so dat e go borrow di pesin money, e dey riton am give di pesin; e dey give food to pipol wey dey hongry and doz wey dey naked, e dey give dem klot wear.

Daniel 4:27

So, my king! Make yu follow my advise. Make yu turn from sin kom meet God; dey do good and sorry for poor pipol. Den yu go kontinue to prosper.”

Mikah 6:8

No! My pipol, God don tell una wetin dey good and wetin E wont from una, na to dey do wetin dey rite; show love; dey obey and respet am.

Matiu 25:40

“Den di king go ansa, ‘I tell una true word, just as una do am give di pesin wey small pass among my brodas and sistas, una don do am for mi.’

Matiu 26:11

Poor pipol dey with una evritime, but mi, I nor go dey with una always!

Mark 14:7

Poor pipol go always dey with una and una go fit do good for dem anytime una like. But mi, I nor go dey with una always!

Luke 11:41

But make una from una heart give to pipol wey nor get, so dat evritin go dey klean for una.

John 13:29

Some of dem tink sey, since na Judas dey keep di money, Jesus tell am sey make e go buy wetin dem go use for di feast or make e give poor pipol money).

Acts 10:31

E kon sey, ‘Kornelius, God don hear yor prayer and E don remember all di good tins wey yu dey do.

Acts 11:29

So di disciples, evribody akordin to how e fit do rish, kon sey dem go send money go give di brodas wey dey Judea.

Acts 16:15

Afta en and en family don baptize, e kon beg us sey, “If una don asept mi as pesin wey bilive Christ, make una kon stay for my house.” So e beg us until wi gri.

Acts 4:32

All di pipol wey bilive Jesus Christ kon dey do tins togeda with one mind and nobody sey e go use wetin e get for ensef alone, so dem kon dey share dia propaty togeda.

Romans 12:13

Make una give food to God pipol wey dey hongry and make una dey welkom dem for una house.

Romans 12:20

God word still sey, “If yor enemy dey hongry, make yu gi-am food chop, if en troat dry, make yu gi-am wota drink, bikos as una dey do so, na wahala una dey karry put for en head.”

Romans 16:23

Gaius, wey dey kare for mi and di church, dey greet una. Erastus wey bi di town treasurer and awa broda Kwartus, dey greet una.

Efesians 4:28

Pesin wey dey tif, make e nor tif again. Instead, make e work hard and do good with en own hand, so dat e go fit give pipol wey nor get.

1 Timoti 5:10

Evribody go know am for di good work wey e dey do sey: e don train shidren; dey welkom strenjas; dey serve God pipol; dey help doz wey nor get and e dey do difren good work.

Filemon 1:7

I get joy and my heart dey strong bikos of yor love and thru yu, all God pipol heart don strong too.

Hibru 13:16

Make una nor forget to do good and to share wetin una get with each oda, bikos doz kind sakrifice, dey make belle sweet God.

Hibru 6:10

God nor dey support pipol anyhow. E go remember how una help en pipol before-before and how una still dey help dem naw. Una bi God pipol and E nor go forget di love wey una show en shidren.

James 1:27

But betta relijon wey nor get stain for God eye, naim bi dis: to kare for shidren wey nor get papa and mama and wimen wey dey sofa bikos dia husband don die. So, make una keep unasef, so dat dis world nor go stain una.