Matiu 25:34 - Holy Bible Nigerian Pidgin English

³⁴ “Den di king go tell di pipol wey dey en rite hand, ‘Make una kom, una wey my Papa don bless and make una inherit di kingdom wey God prepare for una before di world start.

Matiu 25:34 ပူးပေါင်းရင်းမြစ်များ

Psalms 2:6

“I don choose my king for Zion wey bi my holy hill.”

Proverbs 11:17

Pesin wey good dey gain favor for ensef; but wiked pipol dey bring trobol for diasef.

Isaya 33:22

Bikos God wey bi awa ruler, kommander and king, go diliver us.

Isaya 6:5

I kon sey, “My own don finish, bikos evry word wey dey komot from my mout, na sin full am and I dey stay with pipol wey all dia words na sin and naw, I don use my eyes si Oga God wey bi di king wey get pawa.”

Isaya 9:7

En royal pawa go kontinue to grow. En kingdom go get peace forever. E go rule well like King David kon do betta tins with en pawa; e nor go opress pipol and E go rule from naw go rish wen di world go end. God Almighty go do all dis tins.

Daniel 9:25

“So make yu know and undastand sey, ‘From naw wen I tell yu dis message, till di time wen dem go ribuild Jerusalem and di leader wey God choose go kom, e go bi seven weeks and sixty-two weeks. Dem go build di town well again, but wahala go dey for dat time.

Zefanaya 3:15

God nor go judge una again; E don drive una enemies from una. Israel king, God dey with yu! So una nor nid to fear again.

Matiu 13:35

E do am so dat wetin di profet tok, go happen: “I go open my mout tok parabol, I go tok evritin wey bi sekret since God kreate dis world.”

Matiu 19:29

And anybody wey leave en house, brodas, sistas, papa or mama and land bikos of mi, go get am back hundred times and e go get life wey nor dey end.

Matiu 20:23

Jesus kon tell dem, “Na true sey una go fit drink from my cup, but e nor dey my hand to choose who go sidan for my rite and left, but na for doz wey my Papa choose.”

Matiu 21:5

“Tell Zion pipol, ‘Si! Una king dey kom meet una, e honbol ensef kon sidan on-top donkey.’ ”

Matiu 25:21

“En oga kon tell am, ‘Yu bi good and wise savant and yu do well! Since yu fit use di small tin wey I give yu, e show sey yu go fit kontrol big-big tins. Make yu kom enjoy with mi!’

Matiu 25:23

“En oga tell am, ‘Yu bi good and wise savant and yu do well! Since yu fit use di small tin wey I give yu, e show sey yu go fit kontrol big-big tins. Make yu kon enjoy with mi!’

Matiu 25:40

“Den di king go ansa, ‘I tell una true word, just as una do am give di pesin wey small pass among my brodas and sistas, una don do am for mi.’

Matiu 25:41

“Di king go tell di pipol wey dey en left hand, ‘Make una komot from my side, una wey God don curse! Make una enter hell-fire wey dem prepare for devil and en wiked angels.

Matiu 27:37

On-top of en head for di cross, dem rite wetin dem take akuiz am: “Dis na Jesus Christ, Jew pipol king.”

Matiu 3:2

“Make una turn from sin kom meet God, bikos God Kingdom don near.”

Matiu 5:19

So anybody wey nor do wetin God kommand and dey tish odas to do as e dey do, naim go small pass for God Kingdom. But pesin wey obey God and tish odas to do wetin di Law tok, na big pesin e go bi for God Kingdom.

Mark 10:17

As Jesus dey waka for road, one man run kom meet am sey, “Good Tisha, wetin I go do make I for get life wey nor dey end?”

Mark 10:40

but nor bi mi go tok who go sidan for my left or rite side, bikos e get di pipol wey God prepare am for.”

Luke 11:28

Den Jesus sey, “Pipol wey hear God word and do wetin e tok, na dem God don bless!”

Luke 11:50

So di profets blood wey dem don kill since di world start, di pipol wey dey dis world naw, go take dia head karry am.

Luke 12:32

“Make una nor fear, una wey bi small sheep, bikos una Papa go happy to give una di kingdom.

Luke 19:38

“God don bless di king wey dey kom with en name! Make peace dey for heaven and make all di glory bi God own!”

John 1:49

Netanel sey, “Tisha, true-true, yu bi God Pikin and na yu bi Israel king.”

John 12:13

Di pipol take palm tree leaf go wait am for road. Dem kon bigin shaut, “Hosanna, make God bless di pesin wey E send kom meet us. Make God bless Israel king!”

John 17:24

Papa, I wont make di pipol wey yu give mi stay with mi for where I dey, so dat dem go si di glory wey yu give mi, bikos yu love mi before yu kreate di world.

John 19:15

Den, dem kon bigin dey shaut, “Kill-am trowey! Kill-am trowey! Make yu kill-am!” Pilate kon ask dem, “Una wont make I nail una king for cross?” Di High Priest dem kon sey, “Di only king wey wi get na Caesar.”

Acts 15:18

and E know sey na so e go bi.

Acts 3:26

So God don raiz en savant and E don send am give una, make e for bless and help una turn from sin kom meet am.”

Romans 8:17

And if wi bi God shidren, den wi go inherit God propaty. Yes, wi go follow Christ inherit God propaty, bikos if really wi sofa with am, wi go follow am enjoy.

1 Korintians 15:50

My friends, I wont make una know sey awa body wey get blood go rotin. Dat mean sey dis kind body, nor go fit enter God kingdom wey go dey forever.

1 Korintians 2:9

But God word sey, “No eye don ever si; no ear don hear, even pesin mind nor fit tink about di tins wey God don prepare for pipol wey love am.”

1 Korintians 6:9

Una nor know sey wiked pipol nor go enter God kingdom? So make una nor fool unasef! Pipol wey dey sleep with who dem nor marry; doz wey dey serve juju; men wey dey sleep with oda men;

Galatians 5:21

bad belle; killi-killi; to dey drink anyhow and dey do oda tins like all dis ones. I dey warn una naw as I don warn una before sey, pipol wey dey do dis kind tins, nor go enter God kingdom!

Efesians 5:5

One tin wey una must know bi sey, pesin wey dey sleep with who e nor marry; wey nor dey pure or wey get long-trot and dey serve juju, nor go enter Christ and God kingdom.

1 Tesalonians 2:12

Wi dey advise, beg and tok to una sey, una must live una life as God wont, bikos na-im koll una enter en own kingdom and glory.

2 Timoti 2:12

If wi bear with am, den wi go reign with am too and if wi sey wi nor know am, en too go sey, e nor know us.

2 Timoti 4:8

Naw, di prize for raitiousness dey wait mi and na God wey dey judge rite go give mi dis prize for di day wen Christ go kom. Di prize nor bi for mi alone, but na for evribody wey dey wait for Christ to kom back.

Hibru 1:14

All di angels na savants and na dem God send go prish for pipol wey go get salvashon.

Hibru 11:16

But as tins bi so, dem dey espect kountry wey betta pass dia own and e dey kom from heaven. Naim make God nor shame wen dem dey koll am dia God, bikos E don build big town for dem.

Hibru 4:3

Na only wi wey bilive go fit enter di place where God rest dey, bikos God sey, “I vex kon swear for dem, so ‘Dem nor go ever enter my place where rest dey!’ ”

Hibru 9:26

bikos if na so, Christ for dey kom die for us evry year since di time wey God kreate di world. But nor bi so! E die wons and for all, so dat awa sins go-go forever.

James 2:5

My brodas and sistas, make una listin! God nor choose poor pipol for dis world sey, make dem rish for faith and inherit di kingdom wey E promise sey E go give doz wey love am?

1 Pita 1:9

Una still get wetin make una faith strong and na dis bi di salvashon wey una soul get.

1 Pita 3:9

Make una nor take bad pay di bad wey pesin do una, instead, make una bless odas, bikos God koll una to bless pipol.

Revelashon 13:8

Evritin for dis eart go woship am, even doz wey dia name nor dey for God Lamb book wey get life.

Revelashon 17:8

Di beast wey yu si, dey before, but e nor dey again and e go soon raiz kom from di pit kon start to distroy. Den doz pipol for eart wey dia name nor dey for di Life Book, go fear di beast.

Revelashon 19:16

For en klot and lap, wetin dem rite put na: “King and Oga God wey big pass.”

Revelashon 21:7

Di pesin wey win, go inherit dis tins. I go bi en God and e go bi my pikin.

Revelashon 5:10

Yu don choose dem as kings and priests wey go serve God and dem go rule for di eart.”