Matiu 24:7 - Holy Bible Nigerian Pidgin English

⁷ One kountry go fight with anoda kountry and one kingdom go fight with anoda kingdom. Honga go dey evriwhere and eartkweke go happen for difren place.

Matiu 24:7 ပူးပေါင်းရင်းမြစ်များ

2 Kronikles 15:6

One town dey opress anoda town; nashon dey opress nashon, bikos na so God wont am.

Isaya 19:2

God sey, “I go make war happen for Egypt, dat time, broda go fight against broda and neighbour go fight against neighbour. Town go fight against town and kingdom go fight against kingdom.

Isaya 29:6

Den God wey dey lead heaven sojas go send en judgement kom with tonda, eartkweke and one loud vois. E go send strong rain and betta fire follow dem too.

Ezekiel 14:21

Dis na wetin God wey get pawa dey tok: “I go send my four worse ponishment kom Jerusalem and dem bi: war, honga, wiked animals and diziz. I go send dem kon distroy di pipol and dia animals.

Ezekiel 21:27

I go skata una finish! Yes, I go skata una. I go skata di town finish. But dis one nor go happen until di pesin wey I choose kom; di pesin wey I choose sey make e skata di town. Na en I go give dis tin to.”

Zekaraya 14:13

For dat day, God go konfuse dem well-well and fear go katch dem, sotey dem go bigin seize and attack demsef.

Luke 21:11

Strong eartkweke, honga and sickness go dey evriwhere; difren-difren tins and bad signs go dey happen and fear go katch evribody.

Acts 11:28

One among dem wey en name bi Agabus, get up and di Holy Spirit kon put word for en mout sey, “Heavy honga go happen for di whole world.” Dis tin happen di time wen Klaudius dey rule.

Acts 2:19

I go show plenty wonders for heaven and many mirakles for dis world, blood and fire go appear for inside di sky like smoke.

Hibru 12:27

Dis mean sey di tins for eart go shake komot and na only di tins wey God nor won shake, go remain.

Revelashon 6:12

Den di Lamb open di sixt key and big eartkweke kon happen. Di sun kon dark like black klot and di moon kon dey red like blood.

Revelashon 6:5

Den wen di Lamb open di third one, I hear di third creature dey sey, “Make yu kom!” So I look and I si one black horse dey kom! Di pesin wey dey ride am hold ruler for en hand.

Revelashon 6:6

Den I hear one vois among di for creatures dey sey, “Dem dey sell six pound for barley and one bread for only one penny and make yu nor spoil di olive oil and wine.”

Revelashon 6:8

So I look kon si one horse wey en kolour bi like green wey don dey fade! Di pesin wey dey ride am, na Deat dem dey koll am and en friend na di Grave. Wen dem divide di eart into four, dem give di two of dem pawa ova one part, so dat dem go kill pipol with dia swod; honga; diziz and wiked animals.