Matiu 23:9 - Holy Bible Nigerian Pidgin English

⁹ Make una nor koll anybody for dis world ‘Papa’, bikos na only one real Papa una get and e dey for heaven.

Matiu 23:9 ပူးပေါင်းရင်းမြစ်များ

2 Kings 13:14

Wen Elisha dey sick di sickness wey finally kill-am, Jehoash wey bi Israel king go visit am kon dey kry for en front sey, “My papa! My papa! Di shariot and soja for Israel!”

2 Kings 2:12

As Elisha dey look, e kon dey shaut, “My papa, my papa, di shariot and sojas for Israel!” So e nor ever si Elijah again. Elisha kon tear en own klot to pieces.

2 Kings 6:21

Wen Israel king si dem, e kon ask Elisha, “My oga, make I kill all of dem?”

Malakai 1:6

Oga God ask di priests, “Pikin dey honor en papa and savant dey respet en masta, but wetin make una nor dey honor mi wey bi una papa? If I bi una masta, why una nor dey respet mi? Una nor dey respet mi, yet una dey ask, ‘How wi nor take dey respet Yu?’

Matiu 23:10

Make yu nor let pipol koll yu ‘Leader’, bikos na only one leader una get and na-im bi Christ.

Matiu 6:32

Na dis kind tins pipol wey nor know God dey porshu and una Papa for heaven know sey una nid dem.

Matiu 7:11

If yu wey bad fit give yor pikin good tin, yu tink sey God wey dey heaven nor go give betta tin to pipol wey ask am?

Acts 22:1

“My brodas and fada, make una hear mi as I dey defend mysef.”

1 Korintians 4:15

Bikos even if 10,000 pipol kon tish una about Christ, na only one papa una go still get. Bikos una don turn to my pikin, wen una receive di message about Christ from mi.

2 Korintians 6:18

kon bi una Papa and una go bi my shidren.” Na so God wey get all di pawa, tok.

Hibru 12:9

If awa papa for eart ponish us and wi dey respet dem, e nor good make God ponish us, so dat awa life go betta?

1 John 3:1

Make una si di kind love wey awa God get for us. And naw, pipol dey koll us God shidren and true-true, na God shidren wi bi. Di world nor know us, bikos dem nor know am.