Matiu 23:26 - Holy Bible Nigerian Pidgin English

²⁶ Una Farisee pipol wey blind! Make una first wosh inside di cup, den di outside go klean too!

Matiu 23:26 ပူးပေါင်းရင်းမြစ်များ

Isaya 55:7

Make wiked pipol turn from dia wiked life kon shange di way dem dey tink. Make dem turn go meet di Oga wey bi awa God, bikos E dey sorry for pesin and dey kwik forgive pipol.

Jeremaya 13:27

Jerusalem pipol! I don si as una dey do ashawo waka and as una dey run follow difren juju for fields and for evry hill. Naw, make una si di wahala wey dey wait una. So, una go ever dey klean to woship mi again?

Jeremaya 4:14

“So Jerusalem pipol, make una from una heart stop all di bad-bad tins wey una dey do, so dat una go dey save. Wetin make una nor fit stop to tink bad-bad tins?

Ezekiel 18:31

Make una stop all di bad and wiked tins wey una dey do, so dat una go get new mind and heart. Israel pipol, why una like to die?

Matiu 12:33

“Good tree dey bear good fruit and bad tree dey bear bad fruit. Na di fruit wey tree bear, naim pipol take dey know di kind tree wey e bi.

Matiu 14:8

Just as en mama tell am, di girl kon sey, “Make yu give mi John di Baptist head for tray.”

Mark 7:4

And wen dem kom back from market, dem nor dey chop unless dem first wosh dia hand. Dem still dey follow many oda tradishons, like to wosh cup, kettol and chair wey dem dey sidan put chop.)

Luke 11:39

But Jesus tell am, “Una wey bi Farisee pipol dey wosh outside cup and plate, but inside una belle, long-trot and wikedness full am.

Luke 6:45

Wen pesin dey good, na di good tins wey dey inside am, dey make am bear good fruits, but bad pesin, na di bad tins wey dey inside am, dey am make bear bad fruits, bikos na from wetin full inside pesin mind, naim en mout dey tok.

2 Korintians 7:1

So, as God don promise us all dis tins, make wi wosh awasef komot from evritin wey go fit make awa body or awa soul dirty, so dat wi go dey holy as wi dey respet God.

Hibru 10:22

So make wi draw near God with betta heart and strong faith, bikos God don wosh awa heart and body with klean wota.

James 4:8

Draw near God and E go draw near yu. Una wey bi sina, make una wosh una hand and una wey get doubol mind, make una heart dey klean.