Matiu 20:12 - Holy Bible Nigerian Pidgin English

¹² ‘Dis last pipol work for only one hour and wi work for di whole day inside hot sun, but yu pay all of us di same amount.’

Matiu 20:12 ပူးပေါင်းရင်းမြစ်များ

Jonah 4:8

Wen sun start to shine, God kon send one hot breeze kom from east. Di sun dey shine for Jonah head and e nearly faint. So as Jonah dey vex, bikos di plant wey kover en head don die, e kon sey, “E betta make I die, dan dis life wey I dey live so.”

Malakai 1:13

Una sey, ‘Si! E too hard to serve God!’ So una nor gri obey my kommand again. Naw, make una tink am sef, e good as una dey bring animal wey una tif; di ones wey dia leg break or wey dey sick, kom give mi as sakrifice? Una tink sey I go asept am from una?

Malakai 3:14

Una sey, ‘E nor get wetin pesin go gain if e serve God. Wetin bi di nid to do wetin E tok or try to show Oga God sey wi dey sorry for wetin wi do?’

Matiu 20:11

Wen di first pipol kollect dia money, dem bigin komplain to di farm owner,

Luke 12:55

And wen una si breeze dey blow from east, una go sey, ‘Heat go dey today’ and na so e go bi.

Romans 3:27

So, wetin make us dey boast? Wi nor fit boast at-all! Why e bi like dis? Na bikos wi dey obey di law? No! Na bikos wi bilive Jesus Christ.

Romans 3:30

Since na only one God dey, E dey for Jew and Gentile pipol, bikos of dia faith.

1 Korintians 4:11

Even today, wi dey hongry for food and wota, na only rag wi get to wear. Dem dey trit us anyhow and wi nor get house to stay.

Efesians 3:6

So, bikos of di gospel, Gentile pipol don follow Jew pipol get share for God blessing. Dem don bi membas for Christ body and dem get share for God promise.

James 1:11

As sun dey dry grass and flower and dia beauti dey die forever, na so rish pesin go dry, as e dey porshu and love money.