Matiu 19:23 - Holy Bible Nigerian Pidgin English

²³ Den Jesus tell en disciples, “I tell una true word, e go hard for pesin wey get money well-well to enter God Kingdom!

Matiu 19:23 ပူးပေါင်းရင်းမြစ်များ

Proverbs 11:28

Doz wey trust dia propaty, go fall like wetin harmattan breeze blow; but raitious pipol go prosper well-well, dem go bi like sun wey dey shine.

Matiu 13:22

Di seed wey fall for shuku-shuku, na pesin wey hear God word, but wahala, long-trot and to kwik get money for dis world kon shuk di word die for en heart and e nor kon bear fruit.

Matiu 18:3

den e ansa, “I tell una true word, unless una bi like small pikin, una nor go fit enter God Kingdom!

Matiu 19:22

Wen di yong man hear wetin Jesus tok, e vex waka komot, bikos e get money well-well.

Matiu 21:31

“Wish of di two shidren do wetin dia papa wont?” Dem ansa, “Na di first one.” Jesus kon tell dem, “I tell una true word, tax kollectors and ashawo dem go first una enter God Kingdom!

Matiu 5:20

I tell yu di trut, if di good wey yu do, nor betta pass wetin di Farisee and di pipol wey dey tish di Law do, yu nor go fit enter God Kingdom.”

Mark 10:23

Den Jesus look round kon tell en disciples, “E go hard well-well for pipol wey get money well-well to enter God Kingdom!”

Luke 18:24

Wen Jesus know sey di man dey vex, e kon tell di pipol wey dey with am, “E go hard well-well for pesin wey rish well-well to enter God Kingdom!

John 3:3

Jesus tell am, “Make I tell yu true word, unless dem born pesin di sekond time, e nor go fit si God kingdom.”

John 3:5

Jesus ansa am, “I tell yu di trut, unless God born pesin with wota and en Spirit, di pesin nor go fit enter God kingdom.

Acts 14:22

Dem enkourage di disciples sey make dem get heart and make dem kontinue to dey bilive sey, “Wi go must sofa well-well for pipol hand, before wi go fit enter God Kingdom.”

1 Korintians 1:26

My brodas and sistas, make una remember how God koll una, nor bi bikos una wise, strong or get money well-well.

James 2:6

But una nor dey respet poor pipol! Nor bi rish pipol dey opress and drag una go kourt?