Matiu 19:21 - Holy Bible Nigerian Pidgin English

²¹ Jesus tell am, “If yu won dey pafet, go sell evritin wey yu get, den give di money to poor pipol and yu go get betta tins for heaven. Wen yu don do wetin I tok, den make yu kom follow mi.”

Matiu 19:21 ပူးပေါင်းရင်းမြစ်များ

Jenesis 17:1

Wen Abram na ninty-nine years, God appear to am kon sey, “Na mi bi di Oga God wey get pawa. Follow mi waka and nor-tin go do yu.

Jenesis 6:9

Dis na Noah story. Noah na pesin wey dey fear God; e nor get fault for body among evry oda human being. E dey waka with di Oga God.

Job 1:1

E get one man wey dem dey koll Job, e dey stay for Uz land and e dey do wetin God wont. E dey serve God with klean belle and e nor dey do bad tins.

Psalms 37:37

So, make yu follow doz wey dey honest and dey do good, bikos doz wey like peace go get betta future.

Matiu 16:24

Den Jesus tell en disciples, “If anybody won follow mi, e must deny ensef, karry en cross and follow mi.

Matiu 19:20

Di yong man ansa, “I dey obey all dis law with my heart. Wetin still remain wey I go do?”

Matiu 19:22

Wen di yong man hear wetin Jesus tok, e vex waka komot, bikos e get money well-well.

Matiu 19:28

Jesus ansa am, “I tell yu true word, for dat time wen evritin go dey new, Man Pikin go sidan for en throne wey get glory and una wey dey follow mi, go sidan for twelf thrones, dey judge di twelf tribes wey dey Israel.

Matiu 4:19

Jesus kon tell dem, “Make una follow mi and I go make una katch pipol.”

Matiu 5:48

So make una dey pafet as una Papa wey dey for heaven, pafet.”

Matiu 8:22

Jesus ansa am, “Follow mi, make doz wey don die beri dia dead body.”

Matiu 9:9

As Jesus komot from der, e si one man wey na name bi Matiu, wey sidan for where dem for dey pay tax. Jesus kon tell am, “Follow mi.” At wons, di man kon get up follow am.

Mark 10:21

As Jesus look am, e kon feel for am, den e tell am, “E get one tin wey yu neva do. Go sell all wetin yu get, give poor pipol di money and yu go get plenty propaty for heaven. Den make yu kom follow mi.”

Mark 2:14

As e dey waka for road, e si Levi, Afius pikin, sidan for where dem dey kollect tax. E tell am, “Make yu follow mi.” So Levi get up kon follow Jesus.

Mark 8:34

Den Jesus koll di pipol with en disciples kon tell dem, “If anybody one follow mi, e must deny ensef, karry en cross, den kon follow mi.

Luke 12:33

Make una sell evritin wey una get and give di money to poor pipol. Bag wey nor go tear, make una take am gada betta tins for heaven, where tif nor go fit rish and siti-siti nor go fit spoil dem.

Luke 14:33

Like dis too, nobody fit bi my disciple if e nor komot en mind from evritin wey e get.

Luke 16:9

So I tell una true word, make una use una money well, so dat una go make friends for unasef and wen di money finish, God go welkom una for en kingdom wey go dey forever.

Luke 18:22

Wen Jesus hear wetin di man tok, e kon tell am, “E still get one tin wey yu neva do, make yu sell evritin wey yu get, give di money to poor pipol, den yu go get betta propaty for heaven. Afta dat, make yu kom follow mi.”

Luke 5:27

Afta dis one, Jesus go out and e kon si one tax kollector sidan for where e for dey kollect tax, en name na Levi. Jesus kon tell am, “Make yu follow mi.”

Luke 6:40

No student go fit big pass en tisha, but wen e don learn finish, e go bi like en tisha.

Luke 9:23

So Jesus tell all of dem, “If pesin won follow mi, e must forget ensef, karry en cross evriday, dey follow mi.

John 10:27

My sheep dey hear my vois and I know dem and dem dey follow mi.

John 12:26

Anybody wey ready to serve mi, go must follow mi and where I dey, na der my savant go dey too. Anybody wey serve mi, my Papa go honor am.

Acts 2:45

Dem dey sell wetin dem get kon use di money dey help each oda.

Hibru 10:34

True-true, una sofa like oda prisonas and una dey happy wen dem seize all una propaty, bikos una know sey una get betta tin wey go last forever.