Matiu 16:27 - Holy Bible Nigerian Pidgin English

²⁷ God Pikin and en angels go kom inside en Papa glory, den e go reward evribody akordin to dia work.

Matiu 16:27 ပူးပေါင်းရင်းမြစ်များ

Job 34:11

E dey reward pipol for wetin dem do and dey trit dem as dem deserve.

Psalms 62:12

and my love nor dey fail.” True-true, God go pay evribody akordin to wetin dem do.

Proverbs 24:12

If yu fit sey e nor koncern yu, God know and dey judge evritin wey yu dey do. E dey look yu and E know yu well-well. E go reward yu akordin to wetin yu do.

Ekklesiastes 3:17

Den I tell mysef, “E nor go tey before God go judge evribody, bikos of evritin wey dem don do! Both good and bad pipol.”

Jeremaya 17:10

Na mi wey bi God dey si and test human being heart. I dey trit each pesin akordin to how e dey live en life and wetin e dey do.

Jeremaya 32:19

Yu dey make betta plan kon do mighty tins. Yu know evritin wey pipol dey do and Yu dey reward dem akordin to wetin dem do.

Ezekiel 18:20

Na di pesin wey sin, go die. Pikin nor go sofa, bikos of en papa sin and papa nor go sofa, bikos of en pikin sin. Pesin wey good, God go pay am for en goodness, but wiked pesin go sofa di wikedness wey e do.

Ezekiel 7:27

Di king go kry well-well; di prince nor go get hope again and di pipol go dey shake, bikos dem dey fear. I go ponish una for evritin wey una do and just as una judge oda pipol, na so too I go judge una. Den una go know sey na mi bi God!”

Daniel 7:10

River with fire dey kom out from di throne. Pipol wey dey woship am, many well-well. Many-many pipol still dey wait to kom woship am. Den dem open di book, bikos dem won start to judge kase.

Zekaraya 14:5

Una go from dis valley go di mountin kon eskape go di oda side. Una go run, just as una grand-grand papa dem do wen groun open for di time wen Uzzaya bi king for Judah. Den all di angels go follow Oga God wen E dey kom.

Matiu 13:41

God Pikin go send en angels make dem go remove evritin inside en Kingdom wey dey make pipol sin and break God law.

Matiu 13:49

Na so e go bi for di day wen di world go end. Angels go kom separate evil pipol from di good ones

Matiu 24:30

“Den Man Pikin sign go appear for heaven and all di tribes for dis world, go kry. Dem go si God Pikin dey kom from inside di kloud for heaven with pawa and betta glory.

Matiu 25:31

“Wen Man Pikin and en angels go kom with en glory, e go sidan for en king throne.

Matiu 26:64

Jesus ansa am, “Yu don tok am. But I tell yu, from naw go, yu go si Man Pikin sidan for God rite hand dey kom down for kloud from heaven.”

Matiu 8:20

Jesus ansa am, “Rabbit and bird get dia own house, but Man Pikin nor get where e go fit rest en head.”

Mark 14:62

Jesus ansa, “Na mi and yu go si Man Pikin sidan for God rite hand, wen e dey kom inside di kloud from heaven.”

Mark 8:38

If anybody shame for mi and wetin I dey tish for dis world wey wiked and ashawo pipol dey, Man Pikin go shame for am too, wen e go kom back for en Papa and en holy angels glory.”

Luke 21:27

Den, dem go si Man Pikin dey kom inside kloud with pawa and glory.

Luke 22:69

But from naw go, Man Pikin go sidan for God rite hand where pawa dey.”

Luke 9:26

Anybody wey dey shame for mi and my word, Man Pikin go shame for am wen e go kom back for en glory and di glory wey en Papa and di angels get.

John 21:22

Jesus ansa am, “Make yu mind yor own business. If I wont sey make e stay until I kom back, wish one koncern yu inside? Make yu yorsef follow mi.”

John 21:23

Den di rumor kon dey spread among di brodas and sistas sey, di disciple nor go die. But Jesus nor really tell Pita sey di oda disciple nor go die, but e sey, “If I won sey make e stay until I kom back, wish one koncern yu inside?”

Acts 1:11

kon sey, “Galilee pipol, na wetin make una stand der dey look heaven like dat? Dis Jesus Christ wey God don karry go heaven today, go still kom back di same way wey una si am dey go heaven.”

Romans 14:12

So, all of us go tell God wetin wi do with awa life.

Romans 2:6

God go pay evry man akordin to wetin e do.

1 Korintians 15:23

But all of us must wait for awa turn. Na Christ God first raiz kom life and Christ go raiz en pipol wen e kom back.

1 Korintians 3:13

make e know sey, God go espose en work, bikos E go test am with fire for Judgement Day. Di fire go test di work wey evribody dey do.

1 Korintians 8:8

But wi know sey food nor fit bring us klose to God. Wi nor go luz anytin if wi nor chop or sey wi gain anytin if wi chop.

2 Korintians 5:10

Bikos all of us must stand for Christ front and e go judge us akordin to di tins wey wi do wen wi dey dis eart; weda dem good or bad.

Efesians 6:8

bikos una know sey, each pesin; weda e bi slave or e dey free, if e do wetin dey good, Christ go reward am.

Kolossians 3:25

Pesin wey do bad, God go pay am back for wetin e do, bikos God dey judge evribody akordin to wetin dem do, since E nor dey support anybody anyhow.

1 Tesalonians 1:10

And una dey wait en pikin wey dey kom from heaven. Dis na en pikin, Jesus wey E wake from deat and na-im go save us from God vexnashon wey dey kom.

1 Tesalonians 4:16

God big angel go shaut dey kommand as Christ dey kom down from heaven; di angel vois go dey loud with God trumpet and doz wey bi Christian before dem die, go first go up.

James 5:7

My brodas and sistas, make una get patient till Christ go kom back. Tink how farmer dey wait for wetin e plant until e grow kon bring food wey dear and e dey wait with patient for am, until di first and di last rain go fall put.

1 Pita 1:17

Since una dey koll God wey dey judge evribody akordin to wetin e do, “Papa”, make una live una life with respet for am.

1 John 2:28

Naw my shidren, make una stay inside am, so dat wen E kom, awa heart go dey strong well-well and shame nor go make us run from where E dey.

Jude 1:14

Enoch wey bi di nomba seven pesin afta Adam, profesai about dis pipol. E sey, “Listin! God dey kom with en holy pipol wey nobody fit kount and

Revelashon 1:7

(Make una look! E dey kom back inside di kloud and evry eye go si am. Even doz wey shuk am and all di tribes wey dey dis eart, go kry bikos of am. Dis tins go really happen! Amen.)

Revelashon 2:23

I go kill all en shidren, den all di church pipol go know sey, I know wetin dey for pipol mind and heart. I go reward evribody akordin to wetin e do.

Revelashon 20:12

And I si di pipol wey don die, both big and small, as dem stand for di throne front. Dem open plenty books and den kon open anoda book wey bi di Life Book. And dem judge doz wey don die akordin to wetin dem rite for di books sey dem do.