Matiu 12:42 - Holy Bible Nigerian Pidgin English

⁴² For judgement day, Sheba kween go kondemn di pipol for dis time, bikos e travel from far place kom hear Solomon wisdom. And naw, somebody wey big pass Solomon dey here with una!”

Matiu 12:42 ပူးပေါင်းရင်းမြစ်များ

1 Kings 10:24

Evribody for di world dey won kom hear di wise tins wey God give Solomon to tok.

1 Kings 3:12

I go do wetin yu ask. I go give yu wisdom and undastandin wey pass di ones wey anybody don get before or go get afta yu.

1 Kings 3:28

Wen Israel pipol hear how Solomon take judge di kase, all of dem kon dey respet am, bikos dem know sey na God gi-am di wisdom wey e take dey judge well.

1 Kings 3:9

So, make Yu give mi wisdom to rule yor pipol with good mind and to know wetin dey good or bad. If not, how I go take rule dis yor many pipol?”

1 Kings 4:29

God give Solomon betta wisdom, sense and en undastandin big well-well.

1 Kings 4:34

All di kings for di world hear about en wisdom, so dem kon send pipol go listin to am.

1 Kings 5:12

God keep en promise kon give Solomon wisdom. Peace dey between Hiram and Solomon and dem make agriment with diasef.

Isaya 7:14

So, God go give una sign by ensef. One yong woman wey neva ever sleep with man before, go get belle kon born boy pikin and dem go koll am, ‘Immanuel, wey mean, “God dey with us.” ’

Matiu 12:41

For judgement day, Nineveh pipol go kondemn di pipol for dis time, bikos wen Jonah prish give dem, dem turn from sin kom meet God. And naw, somebody wey big pass Jonah dey here with una!

Matiu 12:6

I tell una, pesin wey big pass di temple dey here with una naw.

Matiu 17:5

As e still dey tok, one brite kloud kon kover dem and one vois kon sey, “Dis na my Pikin wey I love. Make una listin to am!”

Matiu 3:17

Naim one vois from heaven kon sey, “Dis na My pikin wey I love and e dey make belle sweet mi.”

John 1:14

Den di Word kon shange to pesin and e stay with us for dis world. Wi si en glory wey show sey, naim bi di only pikin wey get korrect favor and trut, wey God send kom meet us.

John 1:18

Nobody don fit si God face before. But Jesus, wey bi God ensef, wey en and en Papa bi tait friend, na-im kom show us how God bi.

Deutronomi 30:13

Di kommand nor dey for di oda side for di river, so una nor nid to ask, “Na who go cross di river go bring am for us, so dat wi go hear and obey am?”